Loksabha Chunaav 2019 Sangh Ka Svayansevakon Ko Sandesh, 'Lagaao Jyaada Jor

Breaking »

Loksabha Chunaav 2019 Sangh Ka Svayansevakon Ko Sandesh, 'Lagaao Jyaada Jor

Nai Delhi Loksabha chunaav ke liye dangal shuroo hone ke saath hi raashtreeya swayamsevak sangh ki taraf se bhi apne svayansevakon ko sandesh diya gaya hai ki is baar 'Apni vichaaradhaara ke anukool' sarkaar laane ke liye jyaada jor lagaana hoga. Sangh ke log matadaata jaagaran ke jariye 100 feesadi matadaan ki koshish ke saath hi deshahit mein 'Sahi sarkaar' chunane ke liye bhi logon se kaheinge. Pichhle hafte gvaaliyr mein hui sangh ki akhil bhaarateeya pratinidhi sabha ke jariye bhi yeh sandesh diya gaya. Sangh ke ek neta ne maana ki is baar jyaada mehnat karne ki jaroorat hai. Ham svayansevakon ko bhi yahi bata rahe hain. Swayamsevak logon ke beech jaakar 100 feesadi matadaan ki baat jaahir taur par bolte hain. Matadaan ka pratishat badhaane ki koshish mein hi swayamsevak kaam karte hain. Gvaaliyr mein samaapan bhaashan mein sangh pramukh mohan Bhagwat ne bhi yahi kaha. Haalaanki sangh ke sarakaaryavaah bhaiyaaji Joshi ne yeh bhi kaha ki logon ko maaloom hai ki deshahit mein kya karna hai. Unka ishaara saaf tha. Sangh ke ek doosare neta ne kaha ki is baar chunautiyaan jyaada hain. Kya chunautiyaan hain, yeh poochhane par unhonne kaha ki is baar sab jyaada shakti se lageinge kyonki is baar 'Raashtravirodhi shaktiyaan' bhi lagi hui hain. Unhonne kaha ki 2014 ke chunaav mein anukoolata (BJP ke paksh mein) thi aur maahaul poori tarah samarthan ka tha. Ab logon mein raaji-naaraajagi sab hai. Ye sab jagah hai, svayansevakon mein bhi hai. Isliye raashtravirodhi taakaton ko rokane ke liye jyaada jor lagaana hoga. Kaun hain raashtravirodhi taakatein, yeh poochhane par sangh ke neta ne kaha ki sangh jinhein raashtravirodhi shaktiyaan maanata hai vah desh ke andar bhi hain aur baahar bhi. Ve taakatein naheen chaahati ki sangh aur sangh ki raashtravaadi vichaaradhaara desh mein lambe samay tak kaayam rahe, isliye vah us vichaaradhaara ko paraast karne ke liye tarah tarah ke gathajod kar rahe hain. Sangh ke log kis tarah matadaataaon tak pahuncheinge yeh poochhane par sangh ke ek neta ne bataaya ki sangh ka saangathanik dhaancha sab jagah hai. Booth ke hisaab se svayansevakon ki toliyaan baneingi aur vah dor-too-dor jaakar jaagaran patra baanteinge. Vah kisi party ka naam naheen leinge, lekin raashtreeya kartavyon ka bodh karaaenge. Matadaan aham daayitv hai yeh bataaenge, saath hi deshahit mein sochakar matadaan karne ko kaheinge. Unhonne kaha ki svaabhaavik hai ki jab sangh ke log jaaenge to logon ko pata hi hoga ki vah jis vichaaradhaara ki baat kar rahe hain, us vichaaradhaara ke saath kaun si party hai. Unhonne kaha ki jin jagahon par pehle charan mein matadaan hona hai vahaan toliyaan banaane ka kaam shuroo kar diya gaya hai aur jald hi swayamsevak dor-too-dor jaana shuroo kar deinge.

Loksabha Chunaav 2019 Sangh Ka Svayansevakon Ko Sandesh, 'Lagaao Jyaada Jor https://www.angrejinews.com/pic/261507