Lokesh Rahul Ko Dravid Ki Tarah Ekadivseeya Khilaadi Banaana Chaahate Hai Baangad

Cricket »

Lokesh Rahul Ko Dravid Ki Tarah Ekadivseeya Khilaadi Banaana Chaahate Hai Baangad

Naatingham, 12 June (bhaasha) Bhaarat ke sahaayak coach sanjaya baangad ne diggaj cricketer Rahul dravid ka udaaharan dete hue Budhvaar ko yahaan kaha ki shikhar dhavan ki gairamaujoodagi mein agar lokesh Rahul paari ki shurooaat kare to yeh team ko jaroori santulan pradaan karega. saurav Ganguly ki kaptaani mein Rahul dravid ki bahumukhi pratibha ne team ko santulit karne mein madad ki thi. Vah wicket-keeper ki bhoomika ke saath-saath kisi bhi kram par ballebaaji kar sakte the aur baangad ko maujooda team mein Rahul se yahi ummeed hai. Rahul vishv cup mein chauthe sthaan ballebaaji ke daavedaar the aur unhonne geindabaajon ki madadgaar paristhiti mein us kram par dakshin Africa ke khilaaf achha pradarshan bhi kiya tha. baangad se jab Rahul ke baare mein poochha gaya to unhonne kaha,''Vibhinn paristhitiyon mein khelne ka faayda yeh hota hai ki aap khel ko behtar tareeke se samajhte hai. Agar aap madhyakram mein ballebaaji karte hai aur paari ki shurooaat karne ke liye bheja jaata hai to aapko pata hota hai ki yeh kitna chunauteepoorn hai. Yahaan aapko do nayi geind ka samaana karna hoga lekin bade shot khelne ke mauke bhi adhik honge. '' unhonne kaha, '' agar aap khel ke itihaas ko dekheinge to aise bahumukhi pratibha vaale kai khilaadi rahe hai aur yahaan aap (Rahul) apne naam se milte julate naam vaale khilaadi Rahul dravid se prerana le sakte hai. Isse team ko kaafi madad milti hai. '' coach ko bharosa hai ki madhyakram mein ballebaaji karte samay Rahul ke saamane aane waali chunautiyaan unhein do nai geindon ka saamana karne mein madad kareingi. baangad ne kaha, ''Agar aap sheersh kram ke ballebaaj hain aur aap madhyakram mein ballebaaji karne utarate hain, to aapko madhyakram mein aane waali chunautiyon ka pata chal jaaega. '' agar Rahul maanasik drudhta dikha sakte hain aur khud ko paristhitiyon ke mutaabik dhaal sakte hain to isse dohara faayda hoga. Khilaadi ki saakh badhegi aur team ko bhi faayda hoga. unhonne kaha, ''Yeh maanasik taur par paristhitiyon se taalamel baithaane ke baare mein hai aur aisa karne ke liye kaabiliyt chaahiye. Isse khilaadi aur team donon ko faayda hoga.

Lokesh Rahul Ko Dravid Ki Tarah Ekadivseeya Khilaadi Banaana Chaahate Hai Baangad https://www.angrejinews.com/pic/280777