Lokatantr Naheen Shariya Kaanoon Chaahate Hain Pakistan Ke Yuva Sarve

World » Wednesday, April 3, 2013

Islamabad. . Pakistan mein bhale hi chunaav hone vaale hain, lekin vahaan ke yuvak lokatantr naheen balki shariya ya islaamik kaanoon ke paksh mein hain. Desh ke 40 feesadi se jyaada yuvakon ka maanana hai ki Pak ke liye shariya kaanoon sabse badhiya raajaneetik system hoga. British kaaunsil ki taraf se kiye gaye ek sarve mein 90 feesadi se jyaada yuvaaon ne yah bhi sveekaar kiya hai ki unka desh galat disha mein ja raha hai. Pak mein 11 May ko hone vaale chunaav se pehle yah sarve 18 se 29 saal ke yuvaaon ke oopar kiya gaya hai. Maana ja raha hai ki ye yuva chunaav mein aham bhoomika nibhaaenge. Sarve ka result 'Next jenareshan goj tu the bailat box' naam se prakaashit huaa hai. Ismein bataaya gaya hai ki Pakistan ke jyaadaatar yuvaaon mein chunaav ke maddenajar gahari niraash ki bhaavana hai. Inmein se kai pehli baar vote deinge. Sarve mein shaamil aadhe se jyaada yuvaaon ne maana ki lokatantr unke desh ke liye badhiya naheen raha hai. Sarve mein shaamil 29 pratishat yuvaaon ne lokatantr ko shariya ya islaamik kaanoon se badhiya bataaya. Aisa karne vaalon ne daleel di ki naitik moolyon ko aage badhaane ke lihaaj se yah system sabse badhiya hai. Yah corruption ko khatm karta hai, aam logon ko paani aur bijli ki suvidha muhaiya karaata hai aur helthakeyar aur education tak pahunch aasaan karta hai. 32 pratishat yuvaaon ne sainya shaasan ko behtar bataaya.