Loan Lene Vaale Power Plaants Ko Milega Koyala

Business »

Loan Lene Vaale Power Plaants Ko Milega Koyala

dheeraj tivaari nai Delhi. . Sarkaar un power plaants ko fyool saplaai pakki karne ke liye straiteji bana rahi hai, jinhein bankon se faainains mil raha hai. Yah kadam aise vakt uthaaya ja raha hai ki jab power sector mein lagbhag 5.39 lakh karod rupae ke projekts atake hue hain. Faainains ministri ne kol ministri ko likhe patra mein kaha hai ki pehle se faainainsd projekts ke liye fyool saplaai pakki ki jaae jisse unhein nuksaan na ho aur unki karj chukaane ki kshamata bani rahe. Faainains ministri ka maanana hai ki kol saplaai mein deri se inmein se kuchh projekts par bura asar padega. Iske chalte bankon ka NPA ya baid loan aur badh jaaega. Ek sarkaari adhikaari ne kaha, 'Yah bankon ke liye kaafi mushkil hoga kyonki ve nae projekts ke paas fyool saplaai egreemeint hone ke baavajood unhein karj naheen day paaenge. ' sarkaari bankon ka NPA March 2011 mein 71,080 karod rupae tha, jo December 2012 mein badhkar 1.55 lakh karod rupae par pahunch gaya. Faainains ministri ne prastaavit kol poold praaising maikenijm par ministreej ke beech vichaar vimarsh ke javaab mein apni sthiti spasht ki hai. Desh mein kol ki kami ki samasya se nipatne ke liye yah vichaar vimarsh kiya gaya. Is maheene ki shuruaat mein faainains ministri ne sabhi sarkaari bankon ko bina fyool saplaai egreemeint (efaesae) vaale power plaants ko manjoor kiye gaye ya diye gaye loan ke baare mein jaankaari dene ko kaha tha. Ek sarkaari bank ke egjikyootiv director ne bataaya ki bankon ne laitar of eshyoreins (elaoe) ke aadhaar par projekts ka aakalan kiya tha. Lekin ab kol India March 2009 ke baad shuroo hue projekts ko elaoe mein di gayi maatra ka keval 65 feesadi upalabdh karaaegi. Isse projekts ki kaust badh gayi hai. Unhonne kaha, 'Humne ministri ko jaankaari upalabdh kara di hai. Lekin jab tak companiyon ko jaroori manjooriyaan naheen milti aur ve fyool saplaai egreemeint naheen karti tab tak bankon ki bhoomika jyaada naheen hogi. ' faainains ministri ne kaha hai ki kol ministri ko seeaaiel ke maamale mein efishiyensi pairaameetar bhi bataane chaahiye jisse imported kol ki mahangi keemat ka asar kam ho sakta hai. Kol poold praaising maikenijm ke prapojal mein kaha gaya hai ki import ki oonchi laagat ka asar kam karne ke liye kol India ko imported aur domestik kol ke rate ko mila dene chaahiye. Is maheene ki shuruaat mein faainains ministar pi Chidambaram ne kaha tha ki power, kol, aayaran, steel aur rod transport sektars mein ruke hue projekts ki vajah se baid loan ki samasya badh rahi hai.

Loan Lene Vaale Power Plaants Ko Milega Koyala https://www.angrejinews.com/pic/3989