Loan Chukaane Ke Liye Naun-kor Eset Bechegi Echaseesi

Business »

Loan Chukaane Ke Liye Naun-kor Eset Bechegi Echaseesi

rachita prasaad Mumbai loss mein chal rahi Hindustan construction company (echaseesi) is financial iyar mein naun-kor esets bechakar 1,000 karod rupae jutaana chaahati hai. Company loan ka bojh kam karne ke liye aisa kar sakti hai. Isse usaki baileins sheet ki haalat sudharegi. Mumbai ki is company ko pichhle saal bankon ne 3,200 karod rupae ke tarm loan ki reestrakcharing ki ijaajat di thi. Echaseesi karj ka bojh kam karne ke liye ab kuchh real estate aur infrastructure esets bechana chaahati hai. Company ne Mumbai mein braanda-worli si link sahit kai aaikaunik infrastructure projekts banaae hain. Pichhle kuchh saal se ikanaumik slodaaun aur haayar intarest rets ke chalte echaseesi mushkilon ka saamana kar rahi hai. Company ke group cheef financial officer praveen sood ne ikanaumik times ko bataaya, 'Humne kuchh esets ki pehchaan ki hai, jinse ham niklana chaahate hain. Ye hamaare kor business ka hissa naheen hain. In esets ko bechakar ham 500-1,000 karod rupae jutaane ki ummeed kar rahe hain. ' echaseesi Mumbai aur Pune mein apni jameen bechne ki bhi koshish kar rahi hai. Vah Mumbai ke vikroli area mein 247 park naam ki office prauparti mein bhi stek bechana chaahati hai. Ismein usaki 26 feesadi hissedaari hai. Sood ne bataaya, 'Aage chalakar transport business ki hamaari growth mein aham bhoomika hogi. Ham 2013-14 mein apne kuchh bilt-oparet-traansafar projekts mein bhi stek bech sakte hain. ' echaseesi ka plaan infrastructure sabsidiyri mein aur stek bechne ka bhi hai. Iske paas 7,000 karod rupae ke infrastructure development projekts hain. Inmein 7 national haaivej athauriti of India ke kanseshan projekts hain. Echaseesi ne apni Singapore ki unit jaindar group mein September 2011 mein 14.5 feesadi stek bechakar 240 karod rupae jutaae the. Pichhle saal det reestrakcharing se ajeet gulaab chand ki company ko raahat mili. Company par 4,600 karod rupae ka loan hai. Pichhle shukravaar ko echaseesi ne result ka elaan kiya tha. Company ko lagaataar doosare financial iyar mein loss huaa hai. Financial iyar 2013 mein company ke revenyoo mein 4 feesadi ki giraavat I aur yah 3,832 karod rupae raha. Projekts mein deri ke chalte echaseesi ke financial performance par asar pada hai. Market enaalists ka kehna hai ki det reestrakcharing se company ko kuchh raahat mili hai. Haalaanki, loan jyaada hone, rod projekts ke liye fund ki jaroorat aur lavaasa project mein deri se us par preshar bana rahega. Lainko infraatek, GMR infrastructure aur GVK power end infrastructure jaisi companiyon par bhi kaafi karj hai. Ye companiyaan bhi loan ka bojh kam karne ke liye esets aur apne projekts mein hissedaari bechne ki koshish kar rahi hain.

Loan Chukaane Ke Liye Naun-kor Eset Bechegi Echaseesi https://www.angrejinews.com/pic/7903