Liyaakat Ke Saath Riyaayat Naheen NIA

India »

Liyaakat Ke Saath Riyaayat Naheen NIA

vishesh samvaadadaata. Nai Delhi raashtreeya jaanch agency (NIA) ka kehna hai ki pichhle dinon Delhi police dvaara giraftaar kiye gaye hijbul mujaahideen aatanki liyaakat shaah ke khilaaf jaanch abhi shuroo hui hai. Abhi yah kehna theek naheen hai ki NIA uske khilaaf aatank ke aaropon par naram rukh apanaaegi. NIA ke ek varishth adhikaari ne kaha ki humne case darj kiya hai. Abhi jaanch shuroo hi hui hai. Abhi yah kehna uchit naheen hai ki ham uske saath koi riyaayat kareinge. Ham jaanch kareinge. Yadi uske khilaaf aarop sach paae jaate hain to kaanoon ke tahat uske khilaaf kaarravaai ki jaaegi. Tihaad jail mein band liyaakat ke maamale ki jaanch ki shuruaat uske bayaan se hui hai. Adhikaari ke mutaabik humne usaka paksh jaana hai. Ab har kon se usaki satyata parakhi jaaegi. Saath hi Delhi police ke paksh ko bhi parakha jaaega. Jaanch ke baad hi tay hoga ki uske khilaaf kin aaropon mein mukadama chalaaya jaaega.

Liyaakat Ke Saath Riyaayat Naheen NIA https://www.angrejinews.com/pic/5061