Live Patrakaar Hatyaakaand Mein Ram Raheem Par Thodi Der Mein Faisala, Chhaavani Mein Tabdeel Panchakoola Court

Breaking »

Live Patrakaar Hatyaakaand Mein Ram Raheem Par Thodi Der Mein Faisala, Chhaavani Mein Tabdeel Panchakoola Court

Panchakoola Haryana ke patrakaar raamachandr chhatrapati hatyaakaand mein ab se thodi der mein faisala aane wala hai. Is maamale mein dera sachcha sauda pramukh gurameet Ram raheem mukhya aaropi hai. Is beech sunavaai se pehle panchakoola mein CBI ki special court ka suraksha ghera badha diya gaya hai. Court parisar aur aaspaas ka ilaaka chhaavani mein tabdeel ho gaya hai. Yaun shoshan case mein Ram raheem ko saja ke baad pichhli baar hui hinsa ko dekhte hue prashaasan ki taraf se chaak-chauband suraksha intajaam kiye gaye hain. Panchakoola mein CBI special court ki suraksha vyavastha ke baare mein jaankaari dete hue DCP kamaladeep Goyal ne kaha, 'Bhaari sankhya mein pulisbal ko tainaat kar diya gaya hai. Court parisar mein 500 ki sankhya mein policekarmiyon ko tainaat kar diya gaya hai. Yahaan bairikeding bhi kar di gayi hai. ' gaurtalab hai ki patrakaar chhatrapati ki hatya ke maamale mein shukravaar ko panchakoola ki vishesh CBI court se dera pramukh ko vidiyo kaunfreinsing ke jariye faisala sunaaya jaaega. #Haryana: Kamaldeep Goel, DCP Panchkula over security arrangements near CBI Spl Court in Panchkula: There is heavy… https: //t. Co/qRx6Is82x5— ANI (@ANI) 1547177314000 Rohtak range ke aaiji sandeep khirvaar ka kehna hai, 'Jail ke aaspaas humne kada suraksha ghera banaaya hai. 500 policekarmiyon ke saath hi drone ko bhi nigraani ke liye lagaaya gaya hai. Ham kisi bhi tarah logon ko ikattha hone ki ijaajat naheen deinge. Ham sabhi logon se shaanti banaae rakhane ki appeal karte hain. Ham yeh sunishchit kareinge ki logon ko kisi tarah ki pareshaani na ho. ' Sandeep Khirwar, IG Rohtak Range: We have 2-tier security around the jail, 500 police personnel, &aerial drones hav… https: //t. Co/SOEsEOn9YN— ANI (@ANI) 1547180371000 Vidiyo kaunfreinsing ke jariye hogi peshi Ram raheem se jude faisale ki vajah se Haryana aur Punjab mein suraksha bandobast kade kar diye gaye hain. Panchakoola ki vishesh CBI adaalat mein chal rahe is maamale mein aaropi gurameet Ram raheem ko vidiyo kaunfreinsing ke jariye pesh kiya jaaega, jabki anya aaropi pratyaksh taur par court mein maujood raheinge. Bata dein ki gurameet Ram raheem is samay Rohtak ki sunaariya jail mein band hai. Raajya sarkaar ne sunaariya, dera ke mukhyaalaya sirsa aur panchakoola mein kade suraksha prabandh kar diye hain. Court ne pehle gurameet Ram raheem ko 11 January ko pratyaksh taur par maujood hone ke nirdesh diye the, lekin Haryana sarkaar ne ateet ke anubhavon ko dhyaan mein rakhate hue, use vidiyo kaunfreinsing ke jariye pesh karne ki appeal court se ki thi jo ki manjoor ho gayi. Pichhli baar Ram raheem ko saja hui to hue the dange Daraasal, sarkaar ko aashanka thi ki agar gurameet Ram raheem ko pratyaksh taur par pesh kiya jaata to isse kaanoon vyavastha par aanch aane ka khatra tha. Ullekhaneeya hai ki gurameet Ram raheem ko saadhvi yaun shoshan maamale mein doshi karaar diye jaane ke turant baad panchakoola samet kai jagah dange, aagajani aur todfod hui thi. Raajya sarkaar aisi ghatnaaon ki punaraavrutti naheen hone dena chaahati hai. Kya hai patrakaar chhatrapati hatyaakaand? Patrakaar raamachandr chhatrapati hatyaakaand kareeb 16 saal puraana hai aur dera pramukh gurameet Ram raheem ismein aaropi hai. Saal 2002 mein patrakaar raamachandr chhatrapati ki goli maarkar hatya kar di gayi thi. Chhatrapati apne samaachaar patra mein dera se judi khabaron ko prakaashit karte the. Patrakaar chhatrapati ke parijanon ne maamala darj karavaaya tha aur baad mein ise CBI ke supurd kar diya gaya tha. CBI ne 2007 mein chargesheet daakhil kar di thi aur ismein dera pramukh gurameet Singh Ram raheem ko hatya ki saajish rachane ka aaropi maana tha. Panchakoola ki vishesh CBI court maamale mein sunavaai poori kar chuki hai aur ab court ke faisale par sabki nigaah tiki hui hai.

Live Patrakaar Hatyaakaand Mein Ram Raheem Par Thodi Der Mein Faisala, Chhaavani Mein Tabdeel Panchakoola Court https://www.angrejinews.com/pic/247016