Leander Ne 42 Saal Mein Grandslam Jeeta, Main Kam Ke Kam Kuchh Cricket Khel Sakta Hoon Shreesant

Cricket »

Leander Ne 42 Saal Mein Grandslam Jeeta, Main Kam Ke Kam Kuchh Cricket Khel Sakta Hoon Shreesant

Nayi Delhi, 15 March (bhaasha) uchchatam nyaayaalaya ne BCCI ko S shreesant ke aajeevan pratibandh par punarvichaar ka aadesh diya hai jiske baad is bhaarateeya cricketer ne kaha ki agar Leander pace 42 saal ki umr mein grandslam jeet sakte hain to vah kam se kam 36 varsh mein kuchh cricket khel sakte hain. nyaayamoorti ashok bhooshan aur nyaayamoorti ke M Joseph ki peeth ne kaha ki BCCI ki anushaasanaatmak samiti shreesant ko di jaane waali saja ki avadhi par teen maheene ke bheetar punarvichaar kar sakti hai. shreesant ke saath Mumbai ke spinner ankit chavhaan aur Haryana ke ajeet chandila ko 2013 mein BCCI ki anushaasanaatmak samiti ne aajeevan pratibandhit kar diya tha, jiske baad shreesant ne is faisale ko adaalat mein chunauti di thi. uchchatam nyaayaalaya dvaara shukravaar ko paksh mein aaye faisale ke baad shreesant ne raahat ki saans li aur kaha, ''Main naheen jaanta ki itne varshon baad jindagi mein aage kya hoga. Chhah saal ho chuke hain aur mainne cricket naheen khela hai jo meri jindagi thi. '' shreesant 2007 vishv tee20 aur 2011 one-day vishv cup jeetne waali bhaarateeya team ka hissa rah chuke hain. Unhonne kaha, ''Main ummeed karta hoon ki BCCI desh ki uchchatam nyaayaalaya dvaara sunaaye gaye faisale ka sammaan kar mujhe kam se kam cricket maidaan par vaapasi ki anumati de. Ummeed karta hoon ki ab kam se kam main school ke cricket maidaan par chal sakta hoon aur vahaan training kar sakta aur koi mujhe yeh naheen kahega ki mujhe iski anumati naheen hai. Main utana cricket khelna chaahata hoon, jitna khel sakta hoon.

Leander Ne 42 Saal Mein Grandslam Jeeta, Main Kam Ke Kam Kuchh Cricket Khel Sakta Hoon Shreesant https://www.angrejinews.com/pic/261401