Land Bill Aane Se Pehle Kai Raajyon Mein Deels Badheen

Business » Thursday, April 18, 2013

anandita Singh manakotiya nai Delhi land ekvijishn bill ke faainalaaij hone ki raftaar jaise-jaise badh rahi hai, use dekhte hue kuchh raajyon mein land transaction ki sankhya mein uchhaal aaya hai. Rooral development ministar jayaraam ramesh ne is baat ka jikr kiya hai. Is bill par ol party meeting ke aayojan se ek din pehle ramesh ne bataaya, 'Hamein pata chala hai ki Maharashtra, vest Bengal, Andhra pradesh aur uttar pradesh mein land deels badhi hain. Is bill ke paas hone mein agar aur deri hoti hai, to kisaanon ke hiton ko nuksaan pahunchega. ' UPA sarkaar ka yah ek aham bill hai. Is bill mein 1894 ke puraane land ekvijishn kaanoon ko badalne ki baat kahi gayi hai. Iska maksad jameen maalikon ko unka vaajib hak dilaana hai. Saath hi is bill mein jameen ganvaane vaale kisaanon ke punarvaas ke liye bhi vyavastha ki gayi hai. Sarkaar ko ummeed hai ki yah bill 22 April se shuroo ho rahe bajat session ke doosare hisse mein paas ho jaaega. Shahari ilaakon mein jameen ke badle milne vaala muaavaja pichhle teen saalon mein jameen ke transaction ki vailyoo ke aadhaar par tay kiya jaaega. Rooral ilaakon mein isi vidhi ko apnaakar nikalne waali rakam ko doguna kar muaavaje ke taur par kisaanon ko diye jaane ka praavadhaan hai. Haalaanki, raajyon ke paas muaavaja badhaane ka hak hoga. Ministar ne kaha ki unhein is bill par kaafi achha feedabaik mila hai aur iske baare mein maujood jyaadaatar matabhed nipta liye gaye hain. Ramesh ne kaha, 'Kuchh ne hamein likha hai ki jab anya paartiyon ne kuchh masalon ko chhodkar hamein maukhik taur par is par sahamati day di hai. Mujhe lagta hai ki ham sabhi is bill ki ahamiyt ko achhi tarah se samajhte hain. Misaal ke taur par, left chaahata hai ki sarkaar ko private companiyon ke istemaal ke liye jameen ekvaayar naheen karni chaahiye. ' sootron ka kehna hai ki BJP ne kai maamale uthaae hain, jinmein jyaada jameen adhigraheet karne se rokane ke kadam shaamil hain.