Lamba Khinch Sakta Hai Cheen Ke Saath Vivaad

Breaking »

Lamba Khinch Sakta Hai Cheen Ke Saath Vivaad

Ranjit Kumar. . Nai Delhi Laddakh mein depasaang ghaati se cheeni sainikon ki vaapasi ke masale par Bhaarat dvaara rakhe gaye taaja prastaav ka cheen ne koi javaab naheen diya hai, isliye donon deshon ke beech teesare daur ki flaig meeting ke baare mein koi faisala naheen ho saka. Taaje ghatnaakram ke beech cheen ke saath saajha sainya abhyaas ke kaaryakramon par baat karne ke liye ek bhaarateeya sainya dal in dinon peiching mein hi hai. Udhar, cheen ne fir kaha hai ki cheeni sainikon ne bhaarateeya ilaake mein ghuspaith naheen ki hai. Cheen ne is masale par dhairya se dostaana salaah-mashavira ke liye anukool maahaul banaane ki salaah di hai. Iske saath hi usane yah bharosa bhi dilaaya hai ki is vajah se seema par shaanti va sthirta mein koi aanch naheen aaegi. Yahaan sootron ka kehna hai ki cheen ke is ravaiye ke maddenajar is masale par donon deshon ke beech vivaad lamba khinch sakta hai. Haalaanki Bhaarat ki koshish hai ki videsh mantri Salman khursheed ke 9 May ko cheen daure se pehle yah sulajh jaae. Shukravaar subah raksha mantri A. Ke. Antony ne Bhaarat aur cheen ke adhikaariyon ke beech vibhinn staron par baatcheet hone ki jaankaari di thi. Videsh mantri Salman khursheed ne bhi is masale par baatcheet chalne ki pushti ki thi, lekin sootron ne is masale par baat aage naheen badhne ke sanket diye. Sansad mein patrakaaron ke savaal ke javaab mein raksha mantri Antony ne kaha ki ghuspaith ko lekar paida tanaav ko shaantipoorn tareeke se hal karne ke liye donon deshon ke beech baatcheet chal rahi hai. Videsh mantri khursheed ne tippani ki ki aise vivaadon par baatcheet ke liye donon deshon ne ek varking maikenijm ka gathan kiya hai. Pehle bhi is vyavastha ke jariye masale hal kiye gaye hain aur unhein bharosa hai ki is baar bhi is vyavastha ke jariye yah masala hal ho jaaega. Yahaan raksha sootron ke mutaabik sarkaar is ghatna ko ek sthaaneeya vaaradaat maan kar chal rahi hai aur ise cheen ke kisi naapaak iraade se jod kar naheen dekha ja raha hai. Isi vajah se Bhaarat aur cheen ke beech raksha sahayog aur aadaan-pradaan ke masale par baatcheet ko thap naheen kiya gaya hai aur bhaarateeya sena ka ek shishtamandal in dinon peiching mein donon deshon ki thal senaaon ke beech saajha abhyaas ke kaaryakram par baat kar raha hai. Ullekhaneeya hai ki Bhaarat aur cheen ki thal senaaon ke beech 'Haath mein haath' naam se do daur ke saajha abhyaas aayojit ho chuke hain. Pehla abhyaas 2007 mein cheen ke khunaming mein aur doosra saajha abhyaas Karnataka ke belagaam mein 2008 mein huaa tha. Lekin iske baad saajha abhyaason ka silsila Bhaarat ne cheen se virodh dikhaane ke liye rok diya tha. Fir cheen dvaara Jammu-Kashmir ke naagrikon ko natthi visa jaari karne ki neeti vaapas naheen lene ke virodh mein Bhaarat ne cheen ke saath sabhi tarah ke aadaan pradaan rok diye the. Pichhle saal Bhaarat aur cheen ne ise fir shuroo karne ka faisala kiya aur iske tahat donon deshon ke beech do daur ki raksha vaarta bhi ho chuki hai.

Lamba Khinch Sakta Hai Cheen Ke Saath Vivaad https://www.angrejinews.com/pic/6874