Lal Krishna Advani Ho Sakte Hain Speaker, Sushma Ne Ki Bade Mantraalaya Ki Maang Bhaajapa Ke Sootr

Breaking »

Lal Krishna Advani Ho Sakte Hain Speaker, Sushma Ne Ki Bade Mantraalaya Ki Maang  Bhaajapa Ke Sootr

File photo File photo Nai Delhi: haal mein sampann chunaavon mein jeet ki ummeedon ke beech bhaarateeya janta party ke adhyaksh Rajnath Singh party ke tamaam netaaon se lagaataar mulaakaat kar rahe hain. bataaya ja raha hai ki Narendra Modi ke mantrimandal mein shaamil hone aur badhiya mantraalaya paane ke liye tamaam netaaon mein hod lagi hai. Aise mein kuchh naaraaj varishth netaaon ki maangon ki baat bhi saamane aa rahi hai. kaha ja raha hai ki Lal Krishna Advani ne Narendra Modi ke mantrimandal mein shaamil hone se inkaar kar diya hai aur saath hi maang ki hai ki unhein speaker ka pad diya jaae. Udhar, party mein Narendra Modi ki virodhi kahi jaane waali Sushma Swaraj ne bhi apni maang party pramukh tak pahuncha di hai. Party sootron ka kehna hai ki Sushma Swaraj ne party tak yeh sandesh pahuncha diya hai ki vah Narendra Modi mantrimandal mein chaar bade mantraalayon mein se ek mantraalaya ka prabhaar chaah rahi hain. Kaha ja raha hai ki Sushma Swaraj ne videsh mantraalaya, vitt mantraalaya, gruh mantraalaya aur raksha mantraalaya mein se ek mantraalaya diye jaane ki baat kahi hai. sootr yahaan tak bata rahe hain ki party ne Advani se aagrah kiya hai ki vah Sushma Swaraj ko shaant karein. sootr yeh bhi bata rahe hain ki khud Narendra Modi ne NDA ke adhyaksh pad ki maang ki hai. ullekhaneeya hai ki party ke pramukh Rajnath Singh Budhvaar se hi party ke tamaam varishth netaaon ke alaava RSS ke netaaon se lagaataar mulaakaat kar rahe hain aur bhaavi rananeeti par charcha kar rahe hain.

Lal Krishna Advani Ho Sakte Hain Speaker, Sushma Ne Ki Bade Mantraalaya Ki Maang Bhaajapa Ke Sootr https://www.angrejinews.com/pic/50668