Lakh Dollar Kharch Kar Japani Model Bani French Daul

World »

Lakh Dollar Kharch Kar Japani Model Bani French Daul

Tokyo. . Ek Japani mahila ne apni surgery par laakhon rupaye sirf isliye kharch kiye, taaki vah kisi French daul jaisi dikh sake. Apni tamanna ko poori karne ke liye yah mahila 30 se jyaada baar takaleefadeh cosmetic surgery ki prakriyaaon se gujar chuki hai. Peshe se model is mahila ka naam vaneela chaamoo hai. Unhonne apni plastic surgery par 10 million yen (kareeb 55 lakh rupaye) kharch kiye. Chaamoo ka kehna hai ki vah tab tak surgery karaati raheinge, jab tak ki unhein parafekt luks haasil naheen ho jaate. Chidhaate the log: Ek TV sho par chaamoo ne bataaya ki log unke luks ko lekar unka majaak banaate the aur unhein 'Badasoorat' pukaara jaata tha. Is vajah se unhonne kisi French daul jaisi dikhne ka nishchaya kiya, taaki koi unhonne dobaara se badasoorat na kah sake. Chaamoo ke mutaabik, aisa koi naheen jo French daul ko badasoorat karaar day sake. Chhipaai asli umr: Chaamoo ne apni asli umr ka khulaasa to naheen kiya, lekin vah bataati hain ki unhonne pehli surgery 19 saal ki umr mein karaai thi. Vah chaahati hain ki unka luk jyaada se jyaada yooropiyn ho. Iske liye unhonne raainoplaasti, double aailid surgery, aailaish inplaants, dinpal kriyeshan, liposakshan aur best inplaant tak karaae. Sefti ka rakha khyaal: Kisi bhi tarah ki surgery karaae jaane se pehle ki bataai gayi ek tasveer mein chaamoo kisi aam Japani teenaejar ki tarah hi dikhaai deti hain. Haalaanki, unka naya western luk bilkul juda hai. Chaamoo ke mutaabik, khoobsoorat dikhna unki sabse badi praathamikta hai, magar surgery ke dauraan unhonne sefti ka poora khyaal rakha.

Lakh Dollar Kharch Kar Japani Model Bani French Daul https://www.angrejinews.com/pic/8484