Lagaataar Teesari Baar JDU Adhyaksh Bane Sharad Yadav

India »

Lagaataar Teesari Baar JDU Adhyaksh Bane Sharad Yadav

Nai Delhi. . JDU ki raashtreeya kaaryakaarani ki do divseeya baithak ke pehle din shanivaar ko sharad Yadav ko lagaataar teesari baar party ka raashtreeya adhyaksh banaae jaane ki aupachaarik ghoshana kar di gayi. JDU pravakta KC tyaagi ne kaha ki shanivaar ko baithak ke pehle din sharad Yadav ko lagaataar teesari baar party adhyaksh banaae jaane ki aupachaarik ghoshana kar di gayi. Party ke adhyaksh pad ke liye naamaankan patra daakhil karne vaale sharad Yadav akele ummeedavaar the. JDU ke samvidhaan mein paanch March ko sanshodhan kiya gaya tha jiske jariye sharad ke teesari baar adhyaksh banane ka maarg prashast huaa. Sharad Yadav 2006 mein George farnaandis ke sthaan par party ke adhyaksh banaae gaye the. Tyaagi ne kaha ki party ki raashtreeya kaaryakaarani aur raashtreeya parishad ki baithak ke doosare din kal kuchh prastaav paarit kiye jaaenge. In prastaavon mein raajanaitik, videsh neeti, Kashmir ke mudde aur Bihar ko vishesh raajya ka darja pradaan karne se juda prastaav shaamil hai. Unhonne kaha ki Congress neet UPA sarkaar ki videshi neeti kaafi dhulamul hai aur videshon mein Bhaarat ki sthiti kaafi kharaab ho gayi hai. Videsh neeti sambandhi prastaav mein iska spasht ullekh hoga. Kashmir ke baare mein prastaav mein yah bataaya jaaega ki is vishay par JDU ki neeti kis prakaar se BJP se alag hai. JDU pravakta ne kaha ki Bihar ko vishesh raajya ka darja pradesh ke logon ka maulik adhikaar hai aur is baare mein koi saudebaaji naheen ho sakti hai.

Lagaataar Teesari Baar JDU Adhyaksh Bane Sharad Yadav https://www.angrejinews.com/pic/5455