Ladkiyon Ke Education Par Laga Grahan

India » Saturday, April 20, 2013

Jeend. . Ek taraf pradesh sarkaar aarateei act laagoo kar sabko shiksha dene ke daave kar rahi hai, lekin doosari taraf graameen kshetron mein senior sekandari schoolon ki vyavastha naheen hai. Is kaaran har varsh saikadon vidyaarthi padhaai chhodne ko majaboor hain. School chhodne vaale vidyaarthiyon mein sabse jyaada sankhya chhaatraaon ki hai. Ek dashak se gaanv nidaani va padaana gaanv ke students ke saamane isi tarah ki pareshaani jhel rahe hain. In gaanvon mein sarkaari senior sekandari school naheen hone ke chalte har varsh saikadon chhaatraaen padhaai chhodkar ghar baithane ko majaboor hain. Nidaani gaanv ki panchaayat aur yuva sangathan gaanv ke uchch vidyaalaya ko apagred karavaane ki maang ko lekar kai baar jila prashaasan, shiksha mantri se lekar CM tak ko gyaapan day chuki hai, lekin aaj tak unki is maang par dhyaan naheen diya gaya. Is varsh bhi gaanv ke school ka darja naheen badhaae jaane ke kaaran donon gaanv ki saikadon chhaatraaen parivaar ke dabaav mein padhaai chhodne ko majaboor hain. Khelon ke kshetr mein raashtreeya va antararaashtreeya star par khyaati praapt karne vaale nidaani ke students ke bhavishya par sarkaar ki anadekhi ka grahan lag chuka hai. Nidaani gaanv mein sirf 10veen tak ka ek sarkaari school hai. Nidaani ke saath-saath padaana gaanv se bhi isi school mein shiksha grahan karne ke liye students aate hain. Gaanv mein 12veen tak ka school naheen hone ke kaaran unhein aage ki padhaai ke liye kaafi jaddojahad karni padti hai. 11veen aur 12veen ki padhaai ke liye in gaanvon ke students ko shahar ka rukh karna padta hai. Graameenon ko ummeed thi ki shaayad is varsh unki maang ke mutaabik school ko apagred kar diya jaaega, lekin aisa naheen huaa. Sthaaneeya nivaasi suresh Kumar pooniya ka kehna hai ki aaspaas 12veen tak ka koi sarkaari school naheen hone ke kaaran har varsh kaafi sankhya mein chhaatraaen school chhodkar ghar baith jaati hain.