Ladki Ne Kiya Court Mairij, Parijanon Ka Hangaama

India »

Ladki Ne Kiya Court Mairij, Parijanon Ka Hangaama

enabeeti news . Hisaar jile ke naaranaund kasbe se bhagaakar le jaai gayi yuvati ka vaaradaat ke kai dinon baad bhi police ke haath khaali hone se naaraaj parijanon ne naaranaund thaane mein hangaama kiya gaya. Logon ne haansi-Chandigarh rod bhi jaam kar diya. Police ka kehna tha ki ladki apni pasand ke ladke ke saath court mairij ki hai. Aarop hai ki yuvati 8 April ko uske pados mein rahane vaala yuvak bhagaakar le gaya. Jab yuvati ke parijanon ko is baare mein pata chala to unhonne yuvak ke khilaaf naaranaund thaana mein yuvati ke apaharan ka case darj karva diya. Yuvati ke parijan is maamale mein koi kaarravaai na karne ka aarop lagaate hue kuchh aur logon ko saath lekar naaranaund thaane mein pahunche aur jamkar hangaama kiya. In logon ne police ke khilaaf naarebaaji ki. Iske baad haansi-Chandigarh rod par jaam laga diya. Police ne lagbhag 1 ghante baad badi mushkil se logon ko samjha bujhaakar raasta khulavaaya. Police ne yuvati ke parijanon ke aaropon ko poori tarah se bebuniyaad bataaya hai. Thaana prabhaari madan laal ne kaha ki police par lagaae gaye aarop jhoothe hain. Unhonne bataaya ki police ne shikaayat milte hi FIR darj karke turant kaarravaai karte hue yuvak aur yuvati ki talaash shuroo kar di thi. Is dauraan police ko Punjab evam Haryana haai court se soochana mili ki in donon yuvak yuvati ne haai court mein mairij kar li hai. Adaalat ne police ko nirdesh diya ki yuvak aur yuvati ko vaapas lautane par suraksha pradaan ki jaae.

Ladki Ne Kiya Court Mairij, Parijanon Ka Hangaama https://www.angrejinews.com/pic/5580