Laapata Guru Ko Lekar Baba Raamadev Se Poochhataachh Karegi CBI

Breaking »

Laapata Guru Ko Lekar Baba Raamadev Se Poochhataachh Karegi CBI

nai Delhi. . Baba raamadev ke guru ke apaharan ke maamale mein CBI jald hi Baba aur unke sahayogi baalakrushn se poochhataachh kar sakti hai. Baba raamadev ke guru svaami shankar Dave 6 saal pehle rahasyamaya haalaat mein gaayab ho gaye the. CBI sootron ke mutaabik ek team Baba raamadev ke guru ke baare mein jaankaari jutaane ke liye pehle hi haridvaar ka daura kar chuki hai. Ab is maamale mein yog guru Baba raamadev se poochhataachh karne ki taiyaari ki ja rahi hai. Gaurtalab hai ki kareeb 6 saal pehle subah ki sair ke liye gaye svaami shankar Dave lautakar vaapas naheen aae the. Police unka pata lagaane mein naakaam rahi thi, jiske baad se CBI is maamale ki jaanch kar rahi hai. Ab CBI Baba raamadev aur unke sahayogi baalakrushn se poochhataachh karne ke liye haridvaar ka ek aur daura kar sakti hai. Sootron ne bataaya ki poochhataachh aisi jaankaari paane ke liye hogi, jisse svaami shankar Dave ke baare mein koi jaankaari jutaai ja sake. CBI ne pichhle maheene is baare mein agyaat logon ke khilaaf IPC ki dhaara 365 ke tarah maamala darj kiya tha. Yah dhaara kidnaiping aur avaidh roop se bandhak banaakar rakhane par lagaai jaati hai. Shankar Dave Baba raamadev ke aashram mein rah rahe the, lekin July 2007 mein vah laapata ho gaye. Baba raamadev ke sahayogi aachaarya baalakrushn ki or se kanakhal police station mein FIR darj karaai gayi thi. Yah FIR svaami shankar Dave ke laapata hone ke teen din baad darj karaai gayi thi.

Laapata Guru Ko Lekar Baba Raamadev Se Poochhataachh Karegi CBI https://www.angrejinews.com/pic/4984