Laapata Bachche Ki Ded Baudi Baraamad, Hatya Ki Aashanka

Breaking »

Laapata Bachche Ki Ded Baudi Baraamad, Hatya Ki Aashanka

ek samvaadadaata. Haapud shahar ke muhalla harsh vihaar se ravivaar ki dopahar laapata hue 10 varsheeya bachche ka shav muhalla chamari ke jungle mein mila. Bachche ke sir par hamle ke nishaan paae gaye hain. Parijanon ne apaharan ke baad dushkarm kar hatya karne ki aashanka jataai hai. Mrutak bachche ke pita ne agyaat logon ke khilaaf hatya ka mukadama darj karaaya hai. Jaankaari ke mutaabik, muhalla harsh vihaar nivaasi devi sharan ka 10 saal ka beta ravivaar ki dopahar gaayab ho gaya. Ravivaar der shaam chamari ke jungle mein ek bachche ka shav mila. Soochana par mauke par pahunche parijanon ne usaki shinaakht apne bete ke roop mein ki. Vaheen, soochana milne par police kshetraadhikaari pavan Yadav aur kotavaali prabhaari Rajendra Singh Yadav police bal ke saath mauke par pahunche. Police ne shav ko kabje mein lekar postmortem ke liye bhej diya. Udhar, mauke par jama graameenon ne aaropiyon ki jald se jald giraftaari ki maang karte hue police se teekhi nonkajhonk bhi ki. Kotavaali prabhaari Rajendra Singh Yadav ne bataaya ki mrutak bachche ke pita ne agyaat logaane ke khilaaf hatya ka mukadama darj karaaya hai. Police aaropiyon ki talaash mein jut gayi hai. Police filhaal postmortem report ka intajaar kar rahi hai. Is ghatna ke baad muhalle mein tanaav ki sthiti hai. Police adhikaariyon ne muhalle mein police bal ko tainaat kar diya hai.

Laapata Bachche Ki Ded Baudi Baraamad, Hatya Ki Aashanka https://www.angrejinews.com/pic/6427