Laaloo Yadav Ne Bihar Ki JDU Sarkaar Ko Bina Shart Samarthan Ki Ghoshana Ki

Breaking »

Laaloo Yadav Ne Bihar Ki JDU Sarkaar Ko Bina Shart Samarthan Ki Ghoshana Ki

Patna: laaloo prasaad Yadav ki party raashtreeya janta dal (aarajedi) ne Bihar mein jeetan Ram maanjhi ke netrutv waali JDU sarkaar ko bina shart samarthan dene ki ghoshana ki hai. Bihar vidhaanasabha mein kal vishvaas mat par voting honi hai aur aise mein laaloo Yadav ki ghoshana se JDU ko bahut bada sahaara mila hai. Ullekhaneeya hai ki neeteesh Kumar ne Loksabha chunaavon mein apni party ki karaari haar ke baad pichhle shanivaar ko mukhyamantri pad se tyaagapatr de diya tha, jiske baad JDU ki taraf se jeetan Ram maanjhi ko Bihar ka naya mukhyamantri chuna gaya. vartamaan mein 237-sadasyeeya Bihar vidhaanasabha mein sadan ke adhyaksh sahit JDU ke 117 vidhaayak, BJP ke 88, aarajedi ke 21, Congress ke chaar, CPI ke ek aur chhah nirdaleeya vidhaayak hain. Congress ke chaar, CPI ke ek aur do nirdaleeya vidhaayakon ne JDU sarkaar ko samarthan dene ka patra poorv mein hi raajyapaal ko saunp diya tha. 243-sadasyeeya Bihar vidhaanasabha ke chhah sadasyon, jinmein se aarajedi ke teen, BJP ke do aur JDU ke ek (kaimoor jila ke mohaniya vidhaanasabha kshetr se JDU vidhaayak chhedi paasavaan ke poorv Loksabha adhyaksh meera Kumar ke khilaaf chunaav ladne ke kaaran) ke isteefa de dene ki vajah se sadan ki sadasyata ab 237 rah gayi hai. aarajedi ke JDU ko samarthan dene ki ghoshana ne Loksabha chunaav mein BJP ki apratyaashit jeet ko dekhte hue pradesh mein khud ke dharmanirpeksh hone ka daava karne waali shaktiyon ke ekajut hone ki atkalein shuroo ho gayi hain. Bihar ki 40 Loksabha seaton mein BJP ne 22 seaton, usaki sahayogi party elajepi ne chhah aur raashtreeya lok samata party ne teen seaton par vijay haasil ki, jabki aarajedi ko keval chaar seatein, Congress aur JDU ko do-do aur enaseepi ko ek seat hi haasil ho pai. (input bhaasha se bhi)

Laaloo Yadav Ne Bihar Ki JDU Sarkaar Ko Bina Shart Samarthan Ki Ghoshana Ki https://www.angrejinews.com/pic/51366