Laal Peele Ho Gaye Yusuf

Cricket »

Laal Peele Ho Gaye Yusuf

Raipur . Yahaan CRPF mukhyaalaya ke daure ke samay Kolkata night Riders ke baitsamain Yusuf pathaan us samay laal peele ho gaye jab ek javaan ne unase unke kharaab form ke baare mein poochh liya. Jab javaanon ke savaal karne ki baari I to ek ne Yusuf se poochh liya, 'Yusoof ji, kaafi arsa ho gaya aapke balle se chauke chhakke dekhe hue. Ham ye jaanana chaaheinge ki kab fir se run banaaenge. ' javaab mein senior pathaan itna hi kah sake, 'Bahut jald. ' vahaan maujood kai log apni muskaraahat chhipa naheen sake. Gambhir se prabhaavit hue CRPF javaan kekeaar ke captain Gautam gambhir ek junooni vyakti hain aur jab unhonne CRPF ke battalion 65 ke javaanon se baatcheet ki to ve bhi gambhir se kaafi prabhaavit ho gaye. Gambhir ne kaha, 'Krupaya meri tulana khud se mat keejiye. Aap log desh ki raksha karke itna kathin kaam karte ho. Main khushanaseeb hoon ki main aap logon se baat kar raha hoon. Logon ko hamaare peechhe naheen bhaagna chaahiye balki unhein aap logon ke peechhe bhaagna chaahiye. ' yah kehte hi javaanon ne unke liye taaliyaan bajaani shuroo kar di. Haalaanki sabse jyaada taaliyaan bret li ke liye bajaayi gain, jinhonne hindi mein kaha, 'Namaskaar, aap kaise ho? ' iske baad unhonne aasha bhonsale ke saath gaae gaane ki do panktiyaan sunaate hue kaha, 'Main tumhaara hoon, tumhaara hi rahoonga. '

Laal Peele Ho Gaye Yusuf https://www.angrejinews.com/pic/7245