LPG Yaani Rasoi Gas Par Kaise Milegi Cash Subsidy

Business »

LPG Yaani Rasoi Gas Par Kaise Milegi Cash Subsidy

Joseph barnaad. . Sarkaar LPG yaani rasoi gas ko cash subsidy system se jodne ja rahi hai. Yaani ab graahakon ko subsidy vaale gas silindar market rate par khareedne padeinge aur subsidy unke bank khaate mein chali jaaegi. Iske liye graahakon ko aadhaar number aur bank account hona jaroori hoga. Ham aapko bata rahe hain ki is system ko kaise chalaaya jaaega, kis tarah se graahakon ko iska laabh pahunchaaya jaaega: Pehle kahaan shuroo hogi yah yojana? Shuruaat mein is yojana ko 20 jilon mein shuroo kiya jaaega. Ismein Delhi ke do jile shaamil hain. PM kaaryaalaya ne petrolium mantraalaya ko 15 May se in jilon mein yah yojana shuroo karne ko hari jhandi day di hai. Petrolium mantraalaya ab in jilon ke graahakon ki list ki jaanch kar raha hai. Gas agencyon se poora byora mangavaaya ja raha hai. Saath mein yah bhi dekha ja raha hai ki in jilon mein kitne logon ke paas aadhaar number hai aur kitne logon ke paas bank akaaunts hain. Paisa har maheene aaega ya saalaana? Subsidy ka paisa graahakon ke khaaton mein saalaana aaega. Is samay sarkaar saal mein 9 subsidy yukt vaale silindar day rahi hai. Har silindar par 400 rupae se jyaada ki subsidy di jaati hai. Kul subsidy saalaana chaar hajaar rupae banti hai. Yaani sarkaar ek saath chaar hajaar rupae graahakon ke khaate mein daal degi. Kab khaate mein daale jaaenge subsidy ke paise? Sarkaar har saal ek April ko paise daal diya karegi. Aise mein jab-jab jin jilon mein yah skeem shuroo hogi, us maah se bank khaaton mein subsidy ke paise daale jaaenge. Yah skeem 15 May se shuroo ho rahi hai. Aise mein rasoi gas agencyon se yah pata lagaaya jaaega ki kisne kitne subsidy vaale silindar liye hain. Agar kisi ne subsidy vaale do silindar liye hain to subsidy ke utane paise kaatkar baaki paise khaate mein daal diye jaaenge. Naheen bana aadhaar to naheen mileinge silindar? Ghabaraaie mat, agar aapka aadhaar number naheen bana hai to bhi aapko subsidy vaale silindar milte raheinge. Magar gas agencyan aapse sampark karti raheingi ki aap jaldi aadhaar number bana lein. Petrolium mantraalaya ke adhikaariyon ke anusaar kisi skeem ki shuruaat karne ke baad jin graahakon ke paas aadhaar number naheen hai, unako aadhaar number banaane ke liye paryaapt samay diya jaaega. Sabhi graahakon ke liye aadhaar card banavaana anivaarya kiya jaaega. Aadhaar ke liye aplaai kar diya hai aur akanaulejameint mil gaya hai, kya isse kaam chal jaaega? Akanaulejameint se kaam naheen chalega. Kyonki bank account ko aadhaar number se jodne ke liye aadhaar number ki jaroorat hogi. Jab tak aadhaar number bank account se naheen judega, tab tak paisa graahakon ke account mein daalna mushkil hai. Aadhaar hai, par bank account ataich naheen hai to kaise use ataich karaaen? Prakriya kaafi aasaan hain. Aap apne paas ke kisi bhi sarkaari bank mein jaae. Unke adhikaari se sampark karein aur kaagaji aupachaariktaaen poori karein. Jaise hi aapka bank khaata aadhaar number se ataich hoga, sarkaar ke deta bank mein iski soochana turant pahunch jaaegi. Fir aapke khaate mein paisa aane mein koi pareshaani naheen hogi. Agar bank vaale kisi tarah se aapko pareshaan karte hain to aap gas agencyon se yah baat kah sakte hain. Yooaaideeeaai ke lokal kaaryaalaya mein jaakar bhi apni pareshaani bata sakte hain. Vaise sarkaar ne bankon ko sakht aadesh diya hai ki vah aadhaar number ko bank account se ataich karein. Agar samay par subsidy ka paisa khaate mein na aae to kya karein? Aap bank se seedha sampark kar sakte hain. Ya fir yooaaideeeaai ke lokal kaaryaalaya mein jaakar iski shikaayat kar sakte hain. Petrolium mantraalaya is tarah ki shikaayaton ka niptaan ke liye on line seva bhi aarambh karega. Agar aap jaankaari se bharpoor aise hi doosare lekh padhna chaahate hain to aap hamein Facebook par Likeaur twitter paraFollowkarein: Facebook par Like karne ke liye yahaan klik kareintvitr paraFollow karne ke liye yahaan klik karein.

LPG Yaani Rasoi Gas Par Kaise Milegi Cash Subsidy https://www.angrejinews.com/pic/5504