LPG Par Deebeeti Ko Lekar Chidambaram Se Mile Moili

India »

LPG Par Deebeeti Ko Lekar Chidambaram Se Mile Moili

vishesh samvaadadaata. Nai Delhi LPG par milne waali subsidy ko seedhe upabhoktaaon ke khaate mein traansafar karne ko lekar vitt mantri pi. Chidambaram aur petrolium mantri veerappa moili ke beech mangalvaar ko baithak hui. Baithak ke baad moili ne patrakaaron ko bataaya ki humne LPG ko deebeeti skeem ke tahat laane par charcha ki. Hamaara vishvaas hai ki LPG subsidy deebeeti ke tahat di ja sakti hai. Vitt mantraalaya bhi deebeeti ke tahat LPG subsidy dene ki sambhaavana par kaam kar raha hai. Haalaanki ek savaal ke javaab mein unhonne kaha ki is kaam mein ham jaldabaaji naheen kareinge. Sarkaar LPG subsidy ko deebeeti yojana ke tahat charanbaddh tareeke se laagoo karegi. Yah yojana ek jile se shuroo hokar 15 May tak 20 jilon mein laagoo hogi. Laabhaarthiyon ko 'Aadhaar' milne aur unke bank khaaton se ise jodne ke saath ise poore desh mein laagoo kiya jaaega. Gaurtalab hai ki yojana ke ek baar laagoo ho jaane par sarkaar saalaana prati parivaar 4000 rupaye ke kareeb laabhaarthiyon ke bank khaate mein daalegi, jisse ye parivaar saal bhar mein 9 cylinder baajaar moolya par khareed sakeinge.

LPG Par Deebeeti Ko Lekar Chidambaram Se Mile Moili https://www.angrejinews.com/pic/5053