Kya Teen Saal Baad Test Mein Shatak Jad Paaenge Sachin Tendulkar

Cricket »

Kya Teen Saal Baad Test Mein Shatak Jad Paaenge Sachin Tendulkar

Nai Delhi: Sachin Tendulkar ne bhale hi pichhle saal antararaashtreeya cricket mein shatakon ka shatak poora kiya, lekin yah star ballebaaj pichhle teen saal se test maichon mein shatak naheen laga paaya hai. Tendulkar ne 16 March 2012 ko Bangladesh ke khilaaf meerapur mein ekadivseeya match mein apna 100vaan antararaashtreeya shatak poora kiya tha, lekin test maichon mein unhonne aakhiri saikada 4 January 2010 ko lagaaya tha. Iske baad se vah 31 paariyon mein shatak naheen laga paae. Is beech do baar vah jaroor nervous naainteej ke shikaar bane the. Tendulkar ne apne career mein shatak ke liye kabhi itna lamba intajaar naheen kiya aur vah Australia ke khilaaf 22 January se shuroo hone waali chaar test maichon ki series mein badi paariyaan khelne ke liye pratibaddh hain. Unhonne haal mein Irani cup mein shatak lagaaya aur Australiaee team bhi ranon ki unki bhookh dekhkar chintit hai. Australiaee kaptaan Michael Clark ka maanana hai ki unki team ke liye ab bhi Tendulkar ka wicket sabse mahatvapoorn hoga. Clark ke anusaar, sachin ne haal mein shatak lagaaya tha isliye mujhe lagta hai ki vah shaanadaar form mein hain. Bhaarat ke liye vah bahut bada khilaadi hai aur ham unhein jald se jald out karne ki koshish kareinge kyonki vah jaanta hai ki kaise dheron run aur bade shatak banaae jaate hain. Shaastri ne kaha, vah bhookha hoga. Vah vaastav mein bhookha hoga. Yadi Australia unhein pehle do maichon mein run banaane deta hai to yah Tendulkar ke liye bahut badi series hogi. Jahaan tak anubhav ki baat hai to Tendulkar poori Australiaee team par bhaari padte hain. Tendulkar ne ab tak 194 test maichon mein 15, 645 run banaae hain, jabki Australia ki 17 sadasyeeya team ke sabhi khilaadiyon ke kul test ranon ki sankhya 16233 hi banti hai. Vah is series mein bhaag le rahe khilaadiyon mein akele ballebaaj hain, jinke naam par 25,000 se adhik pratham shreni run darj hain. Australiaee salaami ballebaaj David vaarnar ke shabdon mein, mujhe lagta hai ki jis khilaadi ne pratham shreni mein 25,000 run banaae hain, vah mahaan hai. Unke aankade bataate hain ki unhein kitna anubhav hai. Vah match mein 100 geind mein ya 200 geind mein 100 run bana sakte hain. Tendulkar ke naam par abhi 51 test shatak darj hain. Inmein se unhonne 11 shatak Australia ke khilaaf lagaae hain. Is series mein vah Jack haabs ke 12 shatakon ke record ko todne ki koshish kareinge. Australia ke khilaaf sarvaadhik run (3636) banaane ka record bhi haabs ke naam hi darj hai aur Tendulkar unase keval 198 run peechhe hain.

Kya Teen Saal Baad Test Mein Shatak Jad Paaenge Sachin Tendulkar https://www.angrejinews.com/pic/2447