Kya Kaartik Ka Singal Naheen Lena Team India Ko Pada Bhaari Harbhajan Ne Uthaae Savaal

Breaking »

Kya Kaartik Ka Singal Naheen Lena Team India Ko Pada Bhaari Harbhajan Ne Uthaae Savaal

Dvaipaayan datta, chenrai Vivaar ko new jeelaind ke khilaaf aakhiri ti-20 match mein krunaal pandya ke saath milkar dinesh kaartik ne team India ko jeet ke najadeek to pahuncha diya, lekin jeet naheen dila sake. Ab savaal uth rahe hain ki aakhiri over mein jab tim saaudi boling kar rahe the to teesari geind par agar dinesh kaartik ne singal lene se mana naheen kiya hota to shaayad is match aur series ka nateeja kuchh aur ho sakta tha. Cricketer Harbhajan Singh ne kaartik ke aakhiri over mein singal na lene ke faisale par savaal uthaae hain. Daraasal hua ye ki match ke antim over ki teesari geind par kaartik ne shot maara, pandya iske baad ek run lene ki koshish mein daudkar doosare chhor par pahunch bhi gaye, lekin kaartik ne unhein vahaan se vaapas kar diya aur strike apne paas hi rakhi. Jis vakt yeh vaakaya hua us vakt team ko jeet ke liye 14 ranon ki darkaar thi. Match ke aise naajuk mod par pahunch jaane par jahaan ek-ek run keemati ho, kaartik dvaara run naheen lene ke faisale par savaal uth rahe hain. Teesari geind par run naheen lene ke faisale ko galat maanane ki ek aur thos vajah hai. Saaudi ke pichhle over me krunaal pandya ne kaafi run banaae the aur vah achhi ballebaaji kar rahe the. Pandya ne hi saaudi ke pichhle over mein team India ki match mein vaapasi karaai thi. Padhein, nirnaayak tee20 mein haara Bhaarat, series ganvaai Match ke aakhiri daur mein singal lene se mana karne ka chalan khaaskar Dhoni ne kaafi istemaal kiya. 2013 mein shri lanka mein vest Indies ke khilaaf traai series ke final mein singal lene se bachate rahe the aur aakhiri over mein chhkke se team ko jeet dilaai thi. Haalaanki, Dhoni is match mein 10vein aur 11vein number ke ballebaajon ke saath batting kar rahe the aur Bhaarat ki jeet ke liye Dhoni ka strike par hona behtar vikalp tha. Jeet na paana afsos ki baat: Rohit sharma Is poore maamale par cricketer Harbhajan Singh kehte hain, 'Dhoni ko agar pata ho ki doosra ballebaaj lanb shauts laga sakta hai to vah run lene se kabhi mana naheen karte hain. Finisher ka kaam vining shot lagaana naheen, paartanar ke saath milkar team ki naiya paar lagaana hota hai. Kaartik ka ravivaar ke match mein run naheen lene ka nirnaya tarkon ke viruddh hai. Agar bhuvaneshvar Kumar bhi doosari chhor par hote to mujhe samajh mein aata, lekin krunaal vahaan the. Mujhe pata naheen ki kaartik ke dimaag mein kya chal raha tha. ' Bhajji ka maanana hai ki kaartik ko finisher ke taig ko jyaada gambheerta se naheen lena chaahiye. Harbhajan kehte hain, 'Mujhe bharosa hai ki team management unase poochhega ki unhonne vo singal lene se kyon mana kiya. Kshan bhar ke faisalon se match ka paasa palat sakta hai aur kaartik jaise anubhavi khilaadi ko yeh pata hai. '

Kya Kaartik Ka Singal Naheen Lena Team India Ko Pada Bhaari Harbhajan Ne Uthaae Savaal https://www.angrejinews.com/pic/253956