Kursi Gayi, Ab 'Maamoo Bansal Ko Dene Honge In Savaalon Ke Javaab

Breaking »

Kursi Gayi, Ab 'Maamoo Bansal Ko Dene Honge In Savaalon Ke Javaab

Neeraj chauhaan/rohan duaa nai Delhi/Chandigarh. . Cabinet se rel mantri pavan bansal ki chhutati ke saath hi yah bhi tay gaya hai ki jald hi CBI unhein poochhataachh ke liye saman bhejegi. Is beech yah bhi pata chala hai ki railway ghoos kaand ki jadein kaafi gahari hain. Bansal ke bhaanje vijay singala aur sandeep Goyal ne railway ke alag-alag dipaartameinton mein top 8 padon par posting ke liye seting-geting ki thi. Inmein Punjab ke kapoorathala mein rel coach factory aur chitranjan lokomotiv varks mein huin posting bhi shaamil hain. Is baat ke bhi saboot mile hain ki singala rel mantri ke aavaas ke saath rel bhavan sthit unke daftar se bhi rishvat len-den ki baat kar raha tha. Padhein blog: Maama pad se isteefa CBI ko shuruaati jaanch mein pata chala hai ki singala aur Goyal ne hi kapoorathala rel coach factory mein narottam das ko cheef ilektrikl engineer banavaaya tha. Naurdan western railway mein cheef ilektrikl engineer rahe das ka tabaadala 17 December 2012 ko coach factory mein huaa tha. Sootron ne bataaya ki singala aur das ke beech 4 December ko phone par 16 baar baatcheet hui thi. Iske baad pavan bansal ke private sekretari Rahul bhandaari aur das ke beech 11 December ko 4 baar baat hui thi. Chitranjan loko varks mein mateeriya management fankshan ke head ke taur par dayaal aarya ki niyukti bhi CBI jaanch ke gher mein hai. CBI ke sootron ne bataaya ki CBI seeaarapeesi ke sekshan 160 ke tahat bansal ko jald hi poochhataachh ke liye notice bhejegi. Unase singala, Goyal aur promotion ke liye ghoos dene vaale railway board ke meinbar mahesh Kumar se rishton ke baare mein poochhataachh hogi. CBI ka maanana hai ki singala ko di gayi 90 lakh rupaye ki vyavastha mahesh Kumar ne havaala network ke jariye ki thi. CBI is baat ki bhi aantarik taur par jaanch kar rahi hai ki mahesh Kumar ki patni ko red ke baare mein pehle se soochana kisne di thi. 2 May ko red se pehle hi mahesh ki patni ne joolari aur doosare keemati saamaan railway protekshan fors ke ek officer ke ghar bhijva diya tha. CBI ne is maamale mein apne kuchh ofisron ko spashteekaran dene ke liye notice jaari kiya hai. Jaanch agency ne pichhle do maheene mein mahesh Kumar, singala, manjoonaath aur sandeep Goyal samet aath aaropiyon ke kareeb 1000 phone call rekaurd kiye hain. Inmein se ek bhi call singala aur bansal ke beech ki naheen hain, lekin 500 call behad aham bataae ja rahe hain. Kai phone bansal ke sarkaari ghar par kiye gaye the. Singala ke mobile ki lokeshan se bhi yah saaf ho gaya hai ki kai baar doosare aaropiyon ke saath baat karte samay vah bansal ke ghar ya daftar mein maujood rahata tha. Bansal ko is baare mein bhi CBI ke savaalon ka javaab dena hoga. Ab yah bhi saarvajanik ho chuka hai ki mahesh Kumar ne Mumbai mein ek fankshan mein pavan bansal se mulaakaat ki thi, is mulaakaat mein do aur log bhi the. Donon ki mulaakaat ke 15 dinon baad hi mahesh Kumar railway board mein mebanr staaf banaae gaye the. CBI ke sootron ne bataaya ki mahesh Kumar ko meinbar ilektrikl banaae jaane ki deal 15 April ko final hui thi aur us din singala ne Delhi mein bansal ke sarkaari avaas se kam se kam 5 baar mahesh Kumar se baat ki thi. Iske agale hi din bansal Mumbai gaye the. CBI adhikaariyon ke mutaabik railway board mein bataur meinbar staaf sambandhi mahesh Kumar ki file 16 April ko bansal se seedhi baat hone ke baad hi aage badhi. Pashchimi railway ke jeeem ke roop mein mahesh Kumar ne isi din bansal ko helikauptar mein Mumbai aur aaspaas ke ilaake ka bhraman karaaya tha. Iske agale hi din mahesh ke promotion ki file aage badh gayi. 17 April ko mahesh Kumar ne bansal se do baar mulaakaat ki thi. CBI ke ek senior officer ke anusaar rel ghoos kaand mein singala ke saath khud bansal bhi baraabar ke bhaageedaar hain. Unheen ke nirdesh par singala, mahesh Kumar aur manjoonaath se rishvat ki baat kar raha tha. Bansal ke phone record na hone ke savaal par jaanch se jude ek adhikaari ne kaha, 'Jab singala khud bansal ke saath maujood tha to fir call karne ki jaroorat kya thi? '

Kursi Gayi, Ab 'Maamoo Bansal Ko Dene Honge In Savaalon Ke Javaab https://www.angrejinews.com/pic/8335