'Kumbh Lekar Britain Mein Yaatra Nikaaleinge Saikadon Hindu

World »

'Kumbh Lekar Britain Mein Yaatra Nikaaleinge Saikadon Hindu

London. . Britain ke saikadon hindu 'Kumbh' (ghada) lekar agale teen hafte tak Britain ke aham shaharon London, Manchester, lisestar aur dudali mein yaatra nikaaleinge. Yah yaatra dhaarmik naheen hogi, balki paryaavaran sanrakshan ke liye nikaali jaaegi. 'Green Kumbh yaatra' ek antararaashtreeya abhiyaan hai jismein paryaavaran aur jaiv vividhta ke sanrakshan ke mahatva ko badhaava dene ke liye dhaatu se bane ek 'Pavitra Kumbh' ko duniya ke vibhinn shaharon mein le jaaya ja raha hai. 'Green Kumbh yaatra' ki sansthaapak kusum vyaas ne bataaya, 'Sanrakshan mein adhyaatm aur dharm ki bhoomika utani hi puraani hai, jitna ki samay. ' unhonne kaha, 'Hamaara maksad yah bataana hai ki kaise pavitra kuon, nadiyon, parvaton, mandiron, girjaagharon, yahoodi upaasana gruhon aur masjidon ka paryaavaran se sambandh hai aur kaise vahaan upaasana karne vaale vahaan ke paryaavaran ke sanrakshak hain. ' 'Green Kumbh yaatra' ki shuruaat pichhle saal Hyderabad mein aayojit 'Yooen kanveinshan on biological daayavarsiti' ke dauraan ki gayi thi. Yaatra ki shuruaat ke baad se yah 'Pavitra' Kumbh Bhaarat ke kai shaharon ki yaatra kar chuka hai. Yah Allahabad mein aayojit 'Mahakumbh mele' mein bhi gaya tha. Iske alaava isne Nepal, kenya aur Israel ki bhi yaatra ki hai. 'Pavitra Kumbh' abhi Britain mein hai. Yahaan se ise America le jaaya jaaega. Iski yaatra 2014 mein dakshin Korea ki rajdhani sol mein khatm hogi.

'Kumbh Lekar Britain Mein Yaatra Nikaaleinge Saikadon Hindu https://www.angrejinews.com/pic/8216