Kumaarasvaami Ke MLA Ka Vivaadit Bayaan,'Koi Modi Ke Naam Par Vote Maangane Aae To Jad Dein Tamaacha

Breaking »

Kumaarasvaami Ke MLA Ka Vivaadit Bayaan,'Koi Modi Ke Naam Par Vote Maangane Aae To Jad Dein Tamaacha

Bengaluru Loksabha chunaav ke matadaan se pehle Karnataka mein janta dal secular ke ek vidhaayak ne PM Narendra Modi ke samarthakon ke khilaaf ek vivaadit tippani ki hai. Jedeees vidhaayak M shivaalinge gauda ne ravivaar ko ek bayaan dete hue kaha hai ki log un samarthakon ko jordaar tamaacha jad dein jo aapse PM Modi ke samarthan mein vote maangane aaen. Vaheen BJP ne is bayaan ki ninda karte hue yeh daava kiya hai ki jedeees vidhaayak ne apne samarthakon ko pradhaanamantri par patthar feinkane ke liye bhi kaha hai. Daraasal vidhaayak M shivaalinge gauda ne ravivaar ko aaraasikere mein ek chunaavi sabha ko sambodhit karte hue ek vivaadit tippani ki thi. Vidhaayak ne apne bayaan mein kaha,'Modi Swiss bank mein rakha kaalaadhan vaapas laane mein naakaam rahe aur unhonne desh ke har vyakti ko 15 lakh rupaye dene ka vaada bhi poora naheen kiya. Aise mein jab bhi koi Modi ka jaap karte hue aapse vote maangane aae, use jordaar tamaacha jad dein. ' BJP ne ki bayaan ki ninda Gauda ke is bayaan ki ninda karte hue BJP ke pravakta aur vidhaayak suresh Kumar ne bayaan ki ninda karte hue kaha ki gauda Modi ke khilaaf hinsa bhadka rahe hain. Suresh ne kaha,'Araasikere ke vidhaayak ne apne samarthakon ko Narendra Modi par patthar feinkane ke liye kaha. Isse pehle bhi kai netaaon ne aapattijanak bayaan diye hain aur yeh unki ghruna ko darshaata hai. ' Congress neta taarik Anwar ne bhi ki thi tippani Bata dein ki haal hi mein Congress neta taarik Anwar ne PM Narendra Modi ke khilaaf vivaadit tippani ki thi. PM dvaara vanshavaad ki aalochna karte hue ek lekh likhe jaane par Congress neta taarik Anwar ne ek vivaadit bayaan diya tha. Taarik Anwar ne is lekh par tippani karte hue kaha ki PM ne yeh bayaan isliye diya hai, kyonki unka khud ka koi vansh naheen hai. (samachaar agency PTI-bhaasha se mile input ke saath)

Kumaarasvaami Ke MLA Ka Vivaadit Bayaan,'Koi Modi Ke Naam Par Vote Maangane Aae To Jad Dein Tamaacha https://www.angrejinews.com/pic/263195