Kukkoo Maathur Ki Jhand Ho Gayi

Movies »

Kukkoo Maathur Ki Jhand Ho Gayi

Chandramohan sharmaais film ko dekhkar lagta hai ekta Kapoor ko yakeenan 'Kukkoo. . . ' jaisi film banaane ka aaidiya 'Fukare' dekhkar ya is film ke kalekshan ke aankade dekhne ke baad aaya hoga. 'Fukare' mein ek-do log naheen, balki fukaron ki apni ek alag hi khaas mandali hai. Lekin yeh film 'Fukare' ke aaspaas bhi najar naheen aati. Bikhri kahaani aur ful homework ke bina jhatapat film banaane aur release karne ki jaldabaaji mein film ke director aman kuchh aise ulajhe ki kareeb do ghante ki film bhi kai tukadon mein banti najar aati hai. Agar 'Maata raani ke jaagaran' aur 'Krupa vaale Baba ji' jaise film ke kuchh tukadon ko nikaal diya jaae to film darshakon ko niraash hi karti hai. Haan, aisi filmein ab banane lagi hain, to apne damakham par un nyookamars ko bhi screen par apni maujoodagi dikhaane ka chaans milne laga hai jo naami mekars ki mega-budget filmon mein najar naheen aate. Lekin aise praujekt ko agar director aur praudakshan company poori imaandaari ke saath na banaae, to yakeenan kukkoo ke saath-saath film ki bhi jhand honi tay rahata hai. Kahaani: Baarahavi paas siddhaarth gupta (kukkoo) aur rauni (aasheesh juneja) achhe dost hai. Kukkoo ke paapa ka ek hi sapana hai, kukkoo stadi mein avval rahe aur top pojishn par naukri kare. Kukkoo ka result aata hai to paapa ka yeh sapana bikhr kar rah jaata hai. Vaise in donon doston ke bhi apne-apne sapane hain, jo result aane ke baad chakanaachoor ho gaye. Kukkoo restraunt kholana chaahata hai, kyonki vah ek behatareen cook hai. Rauni ko usaki faimili apne pushtaini business, yaani gaarameints shaup, mein laga deti hai. Kukkoo mitaali (simran Kaur mundi) ko dil hi dil mein pyaar karta hai, lekin bayaan naheen kar paata. Kukkoo ke sapane toot rahe hain ki tabhi usaki mulaakaata Kanpur vaale prabhaakar bhaiya (amit sayaal) se hoti hai. Prabhaakar bhaiya se milne ke baad kukkoo ko lagta hai ab uske sapane saakaar ho jaaenge. Aisa bhi mukaam aata hai jab in donon ki raahein alag-alag ho jaati hain. Aikting: Kukkoo aur rauni ke kirdaaron mein siddhaarth aur aasheesh khoob jame hain. Poori film in donon kirdaaron ke aaspaas tiki hai, lekin kuchh scenes mein donon ke chehare bujhe-bujhe najar aate hain. Aise kirdaaron mein jis tarah ki jabardast enarji honi chaahiye, vaisi inke cheharon par kam hi scenes mein dikhaai di. Anya kalaakaaron mein Kanpur vaale prabhaakar bhaiya ke rol mein amit sayaal ka javaab naheen. Krupa vaale Baba ji ke kirdaar mein Vrijendra kaala sau feesadi fit hain. Nirdeshan: Director aman sachadeva ki is film ko promotion mein totali kaumidi film bataaya gaya, lekin aman poori film to aadhi se bhi kam film mein hi kaumidi ka tadka laga paae. Beshak unka aaidiya behatareen hai, lekin skreenaple aur sanvaadon mein unhonne kuchh khaas naheen kiya. Yahi vajah hai chand behatareen kaumidi scenes hone ke baavajood darshakon ko lagta hai, jaise unhein thaga gaya ho. Haan, aman ne maata ke jaagaran, nirmal Baba ki yaad dilaata ek scene aur hariyaanvi film ki shooting ke scenes par achhi mehnat ki hai aur yahi scenes hain, jab aapko khulkar hansane ka mauka milta hai. Sangeet: 'Velakam maiya' gaane ka filmaankan behatareen hai aur ise aise majedaar dhang se filmaaya gaya hai, jo hall se baahar aane ke baad bhi kuchh pal yaad rahata hai. Kyon dekhein: Film ka sabjekt majedaar hai. Faimili ke saath ek baar dekhne ja sakte hain.

Kukkoo Maathur Ki Jhand Ho Gayi https://www.angrejinews.com/pic/52319