Kudanakulam Project Ko Supreme Court Ki Hari Jhandi

India »

Kudanakulam Project Ko Supreme Court Ki Hari Jhandi

PTI. Nai Delhi: Kudanakulam nyookliyr project ko Supreme court se hari jhandi mil gayi hai. Court ne kaha ki yah parmaanu oorja sanyantr surakshit hai aur iski vajah se paryaavaran aur aaspaas rahane vaalon par pratikool asar padne ki aashankaaon ka koi aadhaar naheen hai. Court ne iske saath hi is project ko lekar chal rahi kaanooni ladaai ko khatm kar diya hai. Nyaayamoorti ke S Radhakrishnan aur nyaayamoorti deepak mishra ki khandapeeth ne kaha ki parmaanu sanyantr vakt ki jaroorat hai. Unhonne kaha ki kudanakulam mein yah parmaanu oorja sanyantr sthaapit karna nyaayochit siddh ho gaya hai aur iski suraksha aur sanraksha ke sabhi upaaya pehle hi kiye ja chuke hain. Keval kuchh vyaktiyon ki aashanka aisi pariyojana ko nirast karne ka aadhaar naheen ho sakti hai, jo desh ki janta ke vyaapak hit aur kalyaan ke liye aavashyak hai. Gaurtalab hai ki is project ko parmaanu virodhi kaaryakartaaon ne sanyantr ki suraksha, iske aaspaas rahane vaalon ki jindagi ki suraksha aur parmaanu kachare ke nishpaadan sahit anek muddon ke aadhaar par chunauti di thi.

Kudanakulam Project Ko Supreme Court Ki Hari Jhandi https://www.angrejinews.com/pic/7930