Kuchh Maukon Par Sachin Se Bhi Asahamat Raha Dhoni

Cricket »

Kuchh Maukon Par Sachin Se Bhi Asahamat Raha  Dhoni

agencyan . Nai Delhi Bhaarat ke cricket captain Mahendra Singh Dhoni apne aadarsh khilaadi sachin Tendulkar se maidaan se baahar baat karne mein aaj bhi sakuchaate hain. Dhoni ne imaandaari se kaha ki cricket maidaan par team rananeeti ko lekar kuchh maukon par unki rai is sachin se alag hoti hai. Dhoni ne kaha ki vah sachin Tendulkar se team rananeeti ko lekar maidaan par charcha karte hain aur vah apne is senior saathi ki rai par asahamati jataane se bhi parahej naheen karte. Unhonne kaha, 'Sachin Tendulkar khel mein mere hero hain aur kyonki vah jis mukaam par pahunch gaye hain, main ab bhi maidaan ke baahar unase baat karne mein sakuchaata hoon. Maidaan par team rananeeti ko lekar main apni baat imaandaari se rakhata hoon. Sachin aur main maidaan par team rananeeti ko lekar charcha karte hain. Yadi main aashvast hoon to main unase asahamat bhi ho jaata hoon aur aisa aksar hota hai. Mujhe lagta hai ki meri imaandaari ke kaaran hi unhonne kaptaani ke liye mera naam sujhaaya tha. Unhein shaayad laga tha ki main khel ke vibhinn pahuluon aur team rananeeti ko bahut jaldi samajh jaata hoon. ' Dhoni ne viml Kumar ki kitaab 'Tendulkar, the cricketer of the century' kitaab ke vimochan ke mauke par kaha, 'Yadi mujhe captain naheen banaaya jaata tab bhi yah mere liye sammaan ki baat hoti ki sachin ne mera naam sujhaaya tha. Jab das baras pehle main sachin Tendulkar se mila tha to main tab unase baat naheen kar paaya tha. Lekin mainne tab sachin Tendulkar ke liye maidaan par paani pahunchaaya tha. Yah 2000-01 ya 2001-02 ka Pune mein khela gaya dileep trophy ka match tha. Main East jon ki team mein tha aur mera kaam paani pahunchaana tha. Tendulkar ne us match mein 199 run banaae the. Jab sachin batting kar rahe the tab main drinks break par apne saathiyon ko paani dene ke liye maidaan par gaya. Achaanak hi unhonne mujhse kaha ki kya main bhi paani le sakta hoon. ' Dhoni ne kaha, 'Yah meri apne aadarsh sachin ke saath pehli mulaakaat thi. Main unase baat naheen kar paaya aur mainne unhein paani diya. '

Kuchh Maukon Par Sachin Se Bhi Asahamat Raha Dhoni https://www.angrejinews.com/pic/3210