'Kuchh Hi Hafton Mein Raksha Mantraalaya Ko Mil Jaaega Poornakaalik Mantri Arun Jetali

Breaking »

'Kuchh Hi Hafton Mein Raksha Mantraalaya Ko Mil Jaaega Poornakaalik Mantri  Arun Jetali

Nai Delhi: rakshaamantri arun jetali ne aaj kaha ki pichhle kuchh saalon se raksha ka aadhunikeekaran 'Dheema' pada hai aur sashastr senaaon ko aavashyak upakaran teji se muhaiya karaane ko Modi sarkaar praathamikta degi. jetali ke paas mukhya roop se vitt evam kaapareret maamalon ka mantraalaya hai. Iske saath hi unhein raksha mantraalaya ka atirikt prabhaar saunpa gaya hai. Unhonne ummeed jataai ki 'Kuchh hi hafton mein' mantriprishd ka vistaar hone par raksha mantraalaya ko bhi poornakaalik mantri mil jaaega. raksha mantraalaya ka atirikt kaaryabhaar grahan karne ke samay jetali ne kaha, 'Ham nishchit roop se chintit hain ki pichhle kuchh saalon se ye kshetr dheeme pade hain aur isliye unamein gati laana mukhya praathamikta hogi. ' unhonne is sambandh mein vistaar se kuchh naheen kaha, lekin unka sanket sambhavat: 126 bahuuddeshyeeya ladaakoo vimaan, 197 halke helikauptar jaisi aadhunik shastr pranaaliyon aur anya jaroori upakaranon ki khareed mein kaafi samay se ho rahe vilamb se hai. Poorv raksha mantri A. Ke. Antony ke kaaryakaal mein inki khareed kisi na kisi kaaran se ruki padi thi . raksha kshetr mein FDI ki 26 feesadi ki seema badhaane ki maang par jetali ne kaha ki is mudde par gaharaai se vichaar karne ki jaroorat hai. Unhonne kaha, yeh ek aisa mudda hai jiske do pahaloo hain aur unke donon vibhaagon (vitt aur raksha) dvaara is par gaur kiya jaana hai. Unhonne kaha ki vah is baare mein aaj hi shuruaati charcha kar chuke hain aur maamale par gaharaai se vichaar hone se pehle vah is baare mein aur kuchh naheen kehna chaaheinge.

'Kuchh Hi Hafton Mein Raksha Mantraalaya Ko Mil Jaaega Poornakaalik Mantri Arun Jetali https://www.angrejinews.com/pic/51876