Kredi Svees Ne Tax Fraud Ka Aarop Kaboola, 2.6 Arab Dollar Jurmaana

Business »

Kredi Svees Ne Tax Fraud Ka Aarop Kaboola, 2.6 Arab Dollar Jurmaana

Washington Switzerland ke pramukh bank kredi svees ne apne oopar lage is aarop ko kabool kiya ki usane apne ameriki graahakon ko karachori mein madad ki hai. Bank mukadamebaaji se bachane ke liye 2.6 arab dollar ka jurmaana bharne par sahamat hua hai. Ameriki praadhikaaron dvaara saal bhar lambi chali jaanch ke baad Swiss bank ne apne oopar laga yeh aarop sveekaar kiya hai. Ullekhaneeya hai ki 2011 se ab tak kredi svees ke aath adhikaariyon par doshi thaharaaya gaya hai jinmein se do ne apna jurm kabool kar liya hai. America ke attorney jenaral erik holder ne kaha 'Kredi svees ne ameriki naagrikon ko kar bhugataan se bachane ke liye videshi khaaton mein apni parisampattiyaan chhupaane mein madad ki. Yadi koi bank gairkaanooni kaam mein shaamil hota hai to yeh nirlajjata ki baad hai. Use ummeed karni chaahiye ki kaanoon vibhaag aaparaadhik maamale ko harsambhav uchch star par le jaaega. ' unhonne kaha 'Pichhle 20 saal mein apna jurm kabool karne vaala yeh sabse bada bank hai. ' unhonne kaha 'Unhonne is maamale mein aaparaadhik galati sveekaar kar li hai. ' kredi svees ne sveekaar kiya ki usane dashakon se 2009 tak is tarah ka gairkaanooni banking kaarobaar kiya.

Kredi Svees Ne Tax Fraud Ka Aarop Kaboola, 2.6 Arab Dollar Jurmaana https://www.angrejinews.com/pic/51209