Kraanti Ki Congress, Corruption Ki Congress Ban Gayi Hai BJP

Breaking »

Kraanti Ki Congress, Corruption Ki Congress Ban Gayi Hai BJP

nai Delhi. . Koyala blauk aavantan ghotaale aur railway rishvat maamale par kendra sarkaar ko aade haathon lete hue BJP ne somvaar ko kaha ki 'Kraanti ki Congress, corruption ki Congress' ban gayi hai. Rajyasabha mein BJP ke upaneta ravishankar prasaad ne patrakaaron se kaha ki Congress bhrashtaachaar karti hai aur bhrashtaachaar karne vaalon ko bachaane ka kaam karti hai. Unhonne kaha ki Congress kaanoon mantri ashvini Kumar aur rel mantri pavan Kumar bansal ko bachaane ka kaam kar rahi hai kyonki unhein dar hai ki iski aanch pradhaanamantri tak aaegi. Unhonne kaha ki vartamaan sthiti mein pradhaanamantri samet in donon mantriyon ko apne pad par bane rahane ka koi adhikaar naheen hai. BJP upaadhyaksh mukhtaar Abbas nakavi ne kaha ki Gandhiji ne jis Congress ko desh ko angrejon se aajaad karaane ke liye kraanti ka hathiyaar banaaya tha, vahi Congress soniya Gandhi ke samay mein bhrashtaachaar ki Congress ban gayi hai. Unhonne kaha ki tel se lekar rel tak corruption ka koharaam macha huaa hai. Sabhi ko loot ki chhoot mili hui hai.

Kraanti Ki Congress, Corruption Ki Congress Ban Gayi Hai BJP https://www.angrejinews.com/pic/7842