Kraaistacharch Ki Do Masjidon Mein Goleebaari, 49 Logon Ki Maut

World »

Kraaistacharch Ki Do Masjidon Mein Goleebaari, 49 Logon Ki Maut

Kraaistacharch, 15 March (eefapi) New Zealand mein kraaistacharch ki do masjidon mein shukravaar ko hui goleebaari mein kam se kam 49 logon ki maut ho gayi aur 20 se adhik log gambhir roop se ghaayal ho gaye. ek bandookdhaari ki pehchaan Australiaee charampanthi ke roop mein hui hai jisne hamle ki spasht roop se online laaivastreeming ki. Is hamle ke baad kraaistacharch mein kisi ke aane aur shahar se kisi ke baahar jaane par rok laga di gayi. yeh kisi pashchimi desh mein muslimon ke khilaaf sabse bheeshan hamla prateet hota hai. Pratyakshadarshiyon ne bataaya ki peediton par bahut najadeek se goliyaan chalaai gain. Mrutakon mein mahilaaen evam bachche bhi shaamil hain. New Zealand ki pradhaanamantri jaisinda ardarn ne ise ''New Zealand ke sabse kaale dinon mein se ek''Karaar diya aur kaha, ''Yeh spasht hai ki ise ab keval aatankvaadi hamla hi karaar diya ja sakta hai. Ham jitna jaante hain, aisa lagta hai ki yeh poorv niyojit tha. '' unhonne kaha ki 20 se adhik log ghaayal ho gaye hain. Australia ke pradhaanamantri Scott maurisn ne bataaya ki goleebaari karne wala ek bandookdhaari ek dakshinpanthi charampanthi hai jiske paas Australia ki naagarikta hai. ardarn ne kaha ki abhi yeh spasht naheen hai ki goleebaari mein kitne hamlaavar shaamil the lekin teen purushon ko hiraasat mein liya gaya hai. police ne bataaya ki sena ne do IED baraamad kiye hain aur unhein nishkriya kar diya gaya hai. masjid mein maujood ek falasteeni vyakti ne bataaya ki usane ek vyakti ke sir mein goli lagti dekhi. usane kaha, ''Mujhe lagaataar teen goliyon ki aavaaj sunaai di aur mushkil se 10 second baad hi fir se aisa hua. Hamlaavar ke paas sambhavat: Svachaalit hathiyaar hoga kyonki koi itni jaldi trigr naheen daba sakta. '' online upalabdh video aur dastaavejon se yeh pata chalta hai ki hamlaavar ne hamle ka Facebook live kiya. Video evam dastaavejon ki aadhikaarik pushti naheen hui hai. is beech, police ne goleebaari sambandhi koi bhi video saajha naheen karne ki chetaavani di hai. Daraasal, online maujood ek video mein ek bandookdhaari masjid mein logon par goli chalaate samay video banaate dikh raha hai. police ne tweet kiya, ''Police jaanti hai ki kraaistacharch mein hui ghatna ke sambandh mein ek bahut hi takaleefadeh video online saajha kiya ja raha hai. Ham appeal kareinge ki yeh link saajha naheen kiya jaae. Ham footage hataane ki koshish kar rahe hain. '' police ne bataaya ki masjid al noor mein hue hamle mein 41 logon ki maut hui aur linvud ave masjid mein saat aur logon ki maut hui. donon masjid paanch kilometer ki doori par sthit hain. Yeh spasht naheen hai ki kya donon masjidon mein ek hi hamlaavar ne goleebaari ki thi ya naheen. hamle ke samay deen ave majisd mein namaaj padh rahe ek anya pratyakshadarshi ne kaha ki usane baahar apni patni ka shav futapaath par pada dekha. , ''Log bhaag rahe the. Kuchh log khoon se sane the. '' ek anya vyakti ne kaha ki usane bachchon par goliyaan chalti dekheen. ''Mere chaaron or shav the. '' ek pratyakshadarshi ne 'Radio New Zealand' ko bataaya ki usane goleebaari suni aur chaar log jameen par pade the aur ''Har taraf khoon'' tha. police ne deshbhar ke musalmaanon ko sachet kiya hai ki ve ''New Zealand mein kaheen'' kisi masjid mein naheen jaaen. is beech, police ne shahar ke schoolon se laukadaaun hata diya hai. Schoolon mein kisi ke andar ya baahar jaane par pratibandh lag gaya tha. Laukadaaun hatne ke baad ghabaraae hue abhibhaavak apne bachchon ko lene school pahunche. New Zealand police ne ek bayaan mein kaha, ''Police ab yeh pushti kar sakti hai ki kraaistacharch mein sabhi schoolon par laga laukadaaun hata diya gaya hai. '' is beech, kraaistacharch mein maujood Bangladesh cricket team ka New Zealand ke saath hone wala teesara aur antim test match yahaan masjidon mein goleebaari ke maddenajar radd kar diya gaya. jab hamla hua, us samay Bangladesh ki team masjid mein pravesh karne hi waali thi. 'Cricinfo' ki ek report ke anusaar, ''Jab hamla hua, tab team jumme ki namaaj ke liye masjid ja rahi thi. Team surakshit bach kar niktavarti hegale oval pahunchi. Team ko ek hotel mein rakha gaya hai. Hotel mein kisi ke andar jaane ya kisi ke hotel se baahar jaane par pratibandh hai. '' eefapi simmi nareshanaresh.

Kraaistacharch Ki Do Masjidon Mein Goleebaari, 49 Logon Ki Maut https://www.angrejinews.com/pic/261410