Koyala Ghotaale Mein CBI Ke Chhaape, Steel Company Par FIR

Breaking »

Koyala Ghotaale Mein CBI Ke Chhaape, Steel Company Par FIR

Nai Delhi. . Koyala blaukon ke liye aavedan karne ke dauraan galat tathya pesh karne ke silsile mein Chhattisgarh aadhaarit ek company ke khilaaf CBI ne ek naya maamala darj kiya hai aur desh bhar mein 11 sthaanon par chhaape bhi maare hain. Delhi ke alaava Chhattisgarh ke Raipur aur Haryana mein naravaana sthit thikaanon par ye chhaape maare gaye. CBI sootron ne bataaya ki pushp steel aind maains limited aur atul jain tatha sanjaya jain sahit iske kai nideshakon ka naam nai FIR mein hai. Isse koyala aavantan ghotaale mein darj maamalon ki sankhya badhkar 11 ho gayi hai. Maamalon ke darj kiye jaane ke baad agency ne Raipur, Chhattisgarh, Haryana ke naravaana tatha Delhi ke ajameri gate aur punjabi baag ilaake mein company ke kaaryaalayon aur iske nideshakon ke parisaron mein chhaape maare. CBI sootron ne daava kiya ki FIR mein aarop lagaaya gaya hai ki Chhattisgarh sarkaar ki sifaarish ke aadhaar par company ko khanan ka patta mila jabki uske paas koi anubhav naheen tha aur khanan gatividhi shuroo karne ke liye uske paas paryaapt maatra mein poonji ka bhi abhaav tha. Jaanch agency ne isse pehle kuchh companiyon par kathit dhokhaadhadi aur farjeevaada karne tatha apne aavedanon mein galat tathya pesh karne ko lekar maamala darj kiya tha. Gaurtalab hai ki pichhle saal keindreeya satarkata aayog ne koyala Khan aavantan mein kathit aniyamitata ke baare mein BJP neta prakaash jaavadekar dvaara darj karaai gayi shikaayat ki jaanch CBI ko saunp di thi. Gaurtalab hai ki isse pehle CBI ne shukravaar ko ghotaale ki jaanch ki status report dikhaane ke maamale par Supreme court me halafnaama diya tha. CBI ne ismein maana tha ki usane yah report peeemao aur kaanooni mantri ko unke kehne par dikhaai thi. Is maamale par Supreme court 30 April ko sunavaai karega.

Koyala Ghotaale Mein CBI Ke Chhaape, Steel Company Par FIR https://www.angrejinews.com/pic/6903