Koyala Ghotaalaa CVC Ne CBI Se Maangi Report

India »

Koyala Ghotaalaa CVC Ne CBI Se Maangi Report

Nai Delhi. . Keindreeya satarkata aayog ne koyala blauk aavantan ghotaale ki keindreeya jaanch aayog ki jaanch mein kendra ke hastakshep ke baare mein agency se poori report talab ki hai. Aadhikaarik sootron ne bataaya ki CBI se usaki taaja sthiti report aayog ko saunpane ko kaha gaya hai. CVC ne koyala blauk aavantan maamale mein CBI jaanch mein hastakshep sambandhi khabaron par sanjnyaaan liya hai. Yah kadam is baat ke najar mein aane ke baad uthaaya gaya ki Supreme court ko maamale mein saunpi gayi agency ki masauda sthiti report mein kuchh badlaav kiye gaye. Supreme court ne Budhvaar ko CBI, pradhaanamantri kaaryaalaya evam koyala mantraalaya ke adhikaariyon ko koyala ghotaale ki jaanch report ka saar badalne ke liye fatkaar lagaai thi. CBI corruption ke maamalon mein CBI par nigaah rakhata hai. Sootron ne bataaya ki aayog ne agency ki masauda report mein raajaneetik logon aur sarkaari adhikaariyon dwaar gaur kiye jaane ke poore mudde par apni naakhushi jataai hai. Sootron ne bataaya, 'Aayog jald hi CBI ke director Ranjit sinha ke saath baithak kar maamale mein agency ki jaanch ko lekar sthiti ka jaayaja lega. ' CBI ke director ne Supreme court ke samaksh sveekaar kiya ki koyala blauk aavantan ke baare mein usaki sthiti report ko kaanoon mantri ashvini Kumar tatha pradhaanamantri kaaryaalaya mein sanyukt sachiv shatrughn sinha evam koyala mantraalaya mein sanyukt sachiv AK bhalla ko dikhaai gayi. Agency ki jaanch report ko dikhaae jaane par kada rukh apnaate hue Supreme court ne kal kaha tha ki CBI pijre mein band tote ki tarah hai jo apne maalik ki aavaaj mein bol rahi hai. CBI ne is maamale mein 11 FIR darj ki hain.

Koyala Ghotaalaa CVC Ne CBI Se Maangi Report https://www.angrejinews.com/pic/8203