Korea Ki Raashtrapati Ne Jahaaj Haadase Par Maafi Maangi

Breaking »

Korea Ki Raashtrapati Ne Jahaaj Haadase Par Maafi Maangi

Siyol: dakshin Korea ki raashtrapati park jiyun-haai ne jahaaj haadase ko lekar somvaar ko dobaara maafi maangi hai. Jahaaj doobne ki ghatna mein 286 yaatriyon ki maut ho gayi thi aur 18 ab bhi laapata hain. unhonne adhikaariyon ke kaamkaaj aur suraksha se judi pranaali mein sudhaar ka sankalp liya. unhonne kaha, "Raashtrapati hone ke naate mein logon ki jindagi aur unki suraksha ke liye javaabadeh hoon, main logon ko hui takaleef ke liye maafi maangati hoon. Is durghatana ke baad fauran kaarravaai karne mein naakaam rahane ke liye antat: Main jimmedaar hoon. ' park, sivol jahaaj ki 16 April ko dakshin-pashchim jido dweep ke paas doob jaane ki ghatna ke sambandh mein ab tak chaar baar maafi maang chuki hain, lekin pehli baar raashtreeya vaktavya jaari kar unhonne maafi maangi hai. jahaaj haadase ke 34 din beet jaane tak 286 logon ke maut ki pushti ho chuki hai. Haadase ke din 172 logon ko bachaaya gaya tha, uske baad se ek bhi yaatri naheen bachaae ja sake hain.

Korea Ki Raashtrapati Ne Jahaaj Haadase Par Maafi Maangi https://www.angrejinews.com/pic/51007