Kolkata Police Ne Bhatakal Ko Kar Diya Tha Riha Sootr

Breaking »

Kolkata Police Ne Bhatakal Ko Kar Diya Tha Riha  Sootr

Nai Delhi: Bhaarat sarkaar dvaara vaanchhit logon ki soochi mein shaamil yaaseen bhatakal ko saal 2008 mein Kolkata ke special taask fors ne giraftaar kiya tha. Tab usaki vaastavik pehchaan naheen ho paai thi aur kuchh maheene baad use riha kar diya gaya tha. Usane apne bhaai riyaaj bhatakal ke saath milkar Indian mujaahideen banaaya. Ismein lashkar-A-taiyaba ne usaki madad ki. Baad ke saalon mein hui visfoton ki kai ghatnaaon mein is sangathan ki bhoomika rahi hai. Saal 2008 mein use nakali noton ke ek maamale mein giraftaar kiya gaya tha tab usane apni pehchaan ke liye votar card pesh kiya tha jismein use Bihar ka nivaasi bataaya gaya tha. Kolkata police ne iski pushti Bihar prashaasan se ki to ise sahi paaya gaya. Maana ja raha hai ki usane kisi aur ko votar card istemaal kar apni rihaai kara li. Idhar sootron ke jariye aa rahi jaankaari ke mutaabik, gat varsh hue Pune visfot mein shaamil rahane ke liye Delhi police dvaara giraftaar kiye gaye kathit Indian mujaahideen aatankvaadiyon mein se do ne Hyderabad ke dilsukhanagar ki 'Reki' ki thi jahaan bruhaspativaar ko bam visfot hue the. Dilsukhanagar nagar mein hue do bam visfoton mein kam se kam 16 vyakti maare gaye the aur 117 anya ghaayal ho gaye the. Maharashtra ke naanded jila nivaasiyon Sayyed makabool aur Imran Khan ne gat varsh October mein apni girftaariyon ke baad poochhataachh mein police ko bataaya ki unhonne July 2012 mein Andhra pradesh ke dilsukhanagar, begam baajaar aur ebids ki motorcycle par reki ki thi. Makabool ko vaastav mein Hyderabad se 23 October ko giraftaar kiya gaya tha jahaan vah giraftaari se bachane ke liye chhupa huaa tha. Delhi police ki vishesh ikaai ke varishth adhikaariyon ne bataaya ki vah un anya aaropiyon ke saath najadeeki taur par juda huaa tha jinhein kathit roop se myaamaan mein muslimon par ki gayi kathit jyaadatiyon ka badla lene ke liye Bihar ke bodhagaya mein bauddh dharmasthalon par fidaayeen hamle ki kathit yojana banaane ke liye giraftaar kiya gaya tha. Adhikaariyon ne kaha, 'Varsh 2012 mein ramajaan ke ek maheene pehle makabool ne Imran ki haidarabaad sthit dilsukhanagar, begam baajaar aur ebids ki motorcycle se reki karne mein madad ki thi. Aisa riyaaj bhatakal ke nirdesh par kiya gaya tha. '

Kolkata Police Ne Bhatakal Ko Kar Diya Tha Riha Sootr https://www.angrejinews.com/pic/2587