Kolkata Ke Fains Dilleevaalon Se Jyaada Vafaadaar Gambhir

Cricket »

Kolkata Ke Fains Dilleevaalon Se Jyaada Vafaadaar Gambhir

Kolkata. . Kekeaar ke kaptaan Gautam gambhir ne kaha hai ki Kolkata ke fains Delhi ke mukaabale jyaada vafaadaar hain. Budhvaar ko Delhi ko haraane ke baad gambhir ne kaha, 'Mainne teen saal Delhi ke liye khela. Mujhe lagta hai ki Delhi ke fains utane vafaadaar naheen the, jitne kolakaataavaasi kekeaar ke liye hain. ' Eden gardens par Budhvaar ko jama 67 hajaar darshak kekeaar ki jersey ke baingani rang mein range hue the. Maidaan par khachaakhach bhare darshakon ko mejabaan team ne niraash naheen kiya aur Delhi par chhah wicket se jeet darj ki. Gambhir ne kaha, 'Bheed ek team ke liye faayademand hoti hai to virodhi ka dil bhi tod sakti hai. Maidaan par utarate hi jab 70, hajaar darshak aapka samarthan kar rahe hon to bahut achha lagta hai. Main ghareloo maidaan par khelne ke faayde mein vishvaas naheen karta. Baat achha cricket khelne ki hai. Ham dresing room mein wicket par baat naheen karte. ' unhonne 42 run ki apni paari ke baare mein kaha ki unhein hamesha se aakraamak khelna pasand raha hai. Unhonne kaha, 'Main hamesha se aakraamak khelta raha hoon, faurmet chaahe jo bhi ho. Main aisa naheen khelna chaahata ki wicket bachaana hi taaraget ho. 'Poori team ko diya jeet ka shreya kekeaar ke kaptaan Gautam gambhir ne IPL ke udghaatan match mein jeet ka shreya poori team ko diya lekin bowleron ki vishesh roop se prashansa ki. Kekeaar par chhah wicket ki jeet ke baad gambhir ne kaha, 'Hamaari team prafeshanal andaaj mein kheli. Bowleron ne behatareen khel dikhaaya. Virodhi team ko 128 run par rokana ek shaanadaar koshish thi. ' of spinner suneel Narayan ne 13 run dekar chaar wicket liye lekin gambhir ne kaha ki baaki bowleron ki koshish ko bhi kam karke naheen aanka ja sakta. Unhonne, 'Mera maanana hai ki Balaji ne bahut achhi bhoomika nibhaai. Isi tarah se bret li aur Jacques Kallis ne bhi achhi boling ki. Kul milaakar sabhi khilaadiyon ne achhi bhoomika nibhaai. '

Kolkata Ke Fains Dilleevaalon Se Jyaada Vafaadaar Gambhir https://www.angrejinews.com/pic/4445