Kolkata Ke Baajaar Mein Aag Marne Vaalon Ki Sankhya 19 Hui

India » Wednesday, February 27, 2013

Kolkata: Kolkata ke siyaaladah ilaake mein Budhvaar tadke ek baajaar parisar mein aag lag jaane se 19 logon ki maut ho gayi tatha 10 anya jhulas gaye. Is parisar mein ek godaam evam kai kaaryaalaya bhi hain. Soorya sen baajaar parisar mein aag lagne ka pata tadke kareeb 3.50 baje laga. Baajaar ke upaadhyaksh sushaant ghosh ne bataaya ki peediton mein jyaadaatar kaamagaar hain, jo ghatna ke samay so rahe the. Unhonne kaha ki samaan ke rakhe rahane se baajaar ka raasta sankara hai aur isse logon ko vahaan se baahar nikalne mein pareshaani hui. Adhikaariyon ke anusaar, godaamon mein plastic, kaagaj aur kapde rakhe hue the. Parisar ke bhootal aur pratham tak ko sabse jyaada nuksaan pahuncha hai. In par kareeb 200 dukaanein hain. Aag lagne ki vajah ka abhi pata naheen chala hai. Pashchim Bengal ki mukhyamantri mamata Bannerjee ne baajaar ka daura kiya aur police, agnishaman dal tatha nagar nigam ko aadesh diya hai ki ve is agnikaand ko lekar report saunpe. Mukhyamantri ne maare gaye logon ke parivaaron ko do-do lakh rupaye ke muaavaje ka ailaan kiya hai. Mamata ne kaha, maare gaye vyakti ke parijanon ko do lakh aur ghaayal vyakti ko 50 hajaar rupaye ki raashi di jaaegi. Unhonne raat ke samay baajaaron mein sone vaale logon se aagrah kiya ki ve adhik satark rahein aur ehatiyaati kadam uthaaen. Agnishaman vibhaag ke mantri jaaved Khan ne jal rahe godaam se chhah logon ko achet avastha mein baahar nikaala gaya hai aur damakal vibhaag ke karmachaari andar fanse doosare logon ki talaash kar rahe hain. Ghaayalon ko sarkaar sanchaalit enaaaraes aur medical college aspataalon mein bharti karaaya gaya hai. Sanyukt police aayukt (mukhyaalaya) jaaved shameem ne subah bataaya tha ki aag lagne ki is ghatna mein 19 log maare gaye hain.