Kolkata Daaroo Peekar Mahila Patrakaar Ko Chhedne Vaale BSF Javaan Ki Pitaai

India » Wednesday, January 30, 2013

Nai Delhi: Kolkata mein somvaar shaam ek mahila patrakaar se chhedakhaani ka maamala saamane aaya hai. Bataaya ja raha hai ki yeh harkat BSF ke ek javaan ne ki, jo nashe mein dhut tha. Iske do aur saathi bhi vahaan maujood the. BSF ke javaan ne jab badtameeji shuroo ki to mahila ne madad ke liye aavaaj lagaai aur dekhte hi dekhte kaafi log vahaan aa gaye. Ek javaan ko chhod baaki do vahaan se faraar ho gaye. Iske baad logon ne aaropi javaan ki jamkar dhunaai kar di. Hangaama itna bad gaya ki police ko logon par laatheechaarj karna pada aur tab jaakar javaan ko bheed ke changul se bachaaya gaya. Police ne teenon ko hiraasat mein le liya hai.