'Kolaget Ki Jaanch Se Jude CBI Ka Senior Adhikaari Ghoos Lete Arest

Breaking »

'Kolaget Ki Jaanch Se Jude CBI Ka Senior Adhikaari Ghoos Lete Arest

Nai Delhi. . CBI ke daaman par ek aur daag lag gaya hai. CBI ke ek senior adhikaari vivek datt ko 15 lakh rupaye ghoos lete hue giraftaar kiya gaya hai. Unhein tatkaal prabhaav se suspend kar diya gaya hai. CBI ke intaranal intelligence unit ne shukravaar ko apne hi ek senior adhikaari vivek datt ko 15 lakh rupaye ghoos lete hue arest kar liya hai. Vivek datt ke paas se 15 lakh rupaye baraamad bhi kar liye gaye hain. Vivek SP leval ke adhikaari hain. Intaranal intelligence unit ka netrutv khud CBI ke director Ranjit sinha karte hain. Khabar hai ki vivek datt ke saath ek inspector leval ke adhikaari ko bhi giraftaar kiya gaya hai. Vivek datt koyala ghotaale ki jaanch se jude hue hain. Gaurtalab hai ki Supreme court ne CBI ko aadesh diya hai ki vah koyala ghotaale se jude kisi bhi jaanch adhikaari ka tabaadala na kare.

'Kolaget Ki Jaanch Se Jude CBI Ka Senior Adhikaari Ghoos Lete Arest https://www.angrejinews.com/pic/8907