Kolaget Kendra Ki Mushkilein Badheen

Breaking »

Kolaget  Kendra Ki Mushkilein Badheen

PTI . Nai Delhi kolaget maamale mein sarkaar dvaara CBI ki report dekhne ko lekar mache bavaal ke beech mangalvaar ko adishnal solicitor general (eesaji) haren raaval ne isteefa day diya. Is maamale mein kisi ke dvaara isteefa dene ki yah pehli ghatna hai. Raaval ne isse pehle atauni general ji. E. Vaahanati ko letar likhkar unhein CBI ki report ko prabhaavit karne ka aarop lagaaya tha. Isteefa kyon diya : Raaval ne apna isteefa kaanoon mantri ashvini Kumar ko saunpa. Unhonne kaha, mainne isteefa day diya hai. Isse pehle raaval ne Supreme court mein maamale ki sunavaai ke dauraan kaha tha ki CBI ki report sarkaar ke saath saajha naheen ki gayi thi. Baad mein CBI ne khud court mein kaha ki usaki report sarkaar dvaara dekhi gayi thi. Iske baad raaval ne maamale mein khud ko bali ka bakara banaae jaane ki baat kahi. Unhonne vaahanavati par report mein dakhalaandaaji karne ka aarop lagaaya. Tavajjo naheen day rahi sarkaar : Sarkaar ne mangalvaar ko raaval ke letar ke baad mache raajaneetik bavaal ko shaant karne ki koshish ki. Sansadeeya kaarya mantri Kamalnath ne riportaron se kaha ki matabhed ho sakte hain, jo svaabhaavik hain, lekin sarkaar ke paas chhipaane ke liye kuchh bhi naheen hai. Jab unase is vivaad ke baare mein poochha gaya to unhonne kaha, yah svaabhaavik aur saamaanya hai. Mujhe yakeen hai ki donon (raaval aur vaahanavati) ek doosare se sthiti spasht kar leinge. Unhonne kaha ki jo sachaai hai vah jaanch mein saamane aa jaaegi. Jaanch par tippani karne ki aavashyakta naheen hai. Sarkaar kisi mushkil mein naheen hai. Report mein hue badlaav : CBI cheef Ranjit sinha ne sveekaar kiya hai ki agency ki draft report mein badlaav kiye gaye the. Unhonne mangalvaar ko Supreme court mein is baare mein poori jaankaari di. Jab sinha se is baare mein poochha gaya to unhonne kaha, agency ne asli draft report aur badlaav ke baad ke draft report ke baare mein vistaar se jaankaari day di hai. Yah bhi bata diya gaya hai ki kin logon ke nirdesh par badlaav kiye gaye. Unhonne kaha, Supreme court ne jo bhi nirdesh diya hai, us baare mein ham chhah May se pehle javaab daayar kar deinge.

Kolaget Kendra Ki Mushkilein Badheen https://www.angrejinews.com/pic/7266