Kolaget CBI Ne File Ki 20veen FIR

Business »

Kolaget CBI Ne File Ki 20veen FIR

Nai Delhi CBI ne koyala khadaan aavantan ghotaala maamale mein nai praathamiki darj ki hai. Nagpur sthit jaayasavaal neko industries tatha kuchh adhikaariyon ke khilaaf darj is praathamiki mein nirdhaarit seema se adhik koyala khanan tatha use doosari jagah bhejane ka aarop lagaaya gaya hai. CBI sootron ne kaha ki nai FIR mein sambandhit company ke khilaaf kathit taur par aaparaadhik saajish, aaparaadhik vishvaasaghaat aur bhrashtaachaar nirodhak kaanoon ke praavadhaanon ke tahat maamala darj kiya gaya hai. Sootron ke mutaabik agency team ne company ke Nagpur kaaryaalaya, Raipur mein do jagahon tatha raayagadh sthit daftar mein talaashi li. Chhattisgarh ke maand raayagadh mein ger paalama koyala khadaan company ko uske spaunj aayaran plant ke liye August 1999 mein aavantit ki gayi thi. Company par aarop hai ki usane kendra sarkaar se bina poorv manjoori ke 2007-08 se 5.6 lakh tan atirikt koyale ka khanan karne lagi. CBI sootron ke anusaar company ko 15.6 lakh tan koyala khanan ki anumati thi, jabki usane 21.2 lakh tan koyala nikaala. Agency ne aarop lagaaya hai ki company ne koyala niyantrak tatha raajya sarkaar ke adhikaariyon ko atirikt koyala khanan ke baare mein jaankaari di thi, lekin koi kaarravaai naheen ki gayi. Agency ne aarop lagaaya hai ki yeh shart thi ki khadaan se nikla koyala niji khanan maksad ke alaava becha ya doosari jagah sthaanaanrit naheen kiya jaaega. Niji maksad ke tahat company spaunj aayaran sanyantr ke tahat iska upayog kar sakti thi.

Kolaget CBI Ne File Ki 20veen FIR https://www.angrejinews.com/pic/51542