Kol India Koyala Dene Par Raaji, Tala Bijli Sankat

Business »

Kol India Koyala Dene Par Raaji, Tala Bijli Sankat

Nai Delhi. . Koyale ki kvauliti ko lekar NTPC aur kol India ke vivaad ke beech kol India ne NTPC ko koyale ki poori saplaai shuroo kar di hai. Kol India ka kehna ki is vivaad ka sauhaardapoorn hal nikaal liya jaaega. Gaurtalab hai ki kvauliti par vivaad ke baad kol India ne NTPC ko koyale ki aapoorti saamaanya se pachaas pratishat kam kar di thi. Isse NTPC ke bijli utpaadan mein kami ki aashanka ban gayi thi, kyonki NTPC ke plaanton mein maatr chaar dinon ka koyala upalabdh tha. Khair, vivaad sulajhane se ab bijli sankat paida hone ki aashanka khatm ho gayi hai. NTPC ne saaf taur par kah diya tha ki agar koyale ki poori aapoorti naheen ki gayi to iska bijli utpaadan par negetiv asar padega. Vah jitni bijli utpaadan karega, utani hi saplaai ho paaegi. Kya hai maamala: NTPC ka aarop hai ki kol India dvaara saplaai kiye ja rahe koyale ki kvauliti kaafi kharaab hai. Jabki vah paisa behtar kvauliti ke koyale ki vasool raha hai. Iske javaab mein kol India ka kehna hai ki NTPC ka aarop galat hai. Vivaad badha to NTPC ne kol India ka bakaaya rok liya aur kol India ne koyale ki saplaai band kar di. Koyala mantraalaya ke beech-bachaav ke baad kol India ne NTPC ko koyale ki aapoorti shuroo kar di hai. Magar yah aapootir saamaanya se pachaas pratishat kam hai. Kol India ke adhikaari ka kehna hai ki NTPC par kareeb ek hajaar karod rupaye ka bakaaya hai. Use pehle apna bakaaya dena chaahiye. Doosari or, NTPC ka ab bhi kehna hai ki koyale ki kvauliti kaafi kharaab hai. Aise mein jis keemat ki baat kol India kar raha hai, vah tarkasangat naheen hai.

Kol India Koyala Dene Par Raaji, Tala Bijli Sankat https://www.angrejinews.com/pic/5125