Kol Blauks Ki Raah Mein Abhi Kai Andhere

India »

Kol Blauks Ki Raah Mein Abhi Kai Andhere

suresh upaadhyaaya . Nai Delhi jin kol blauks ki vajah se in dinon hangaama barapa huaa hai, unki raah mein abhi kai aur andhere hain. In 17 blauks mein se jyaadaatar ghane jangalon mein hain. Yahaan kai gaanv base hue hain aur ye vanya praaniyon aur vanaspatiyon ki kai kism ki prajaatiyon ka basera hain. Saath hi paani ke anginat srot bhi yahaan hain. Paryaavaranavidon ka kehna hai ki agar sarkaar maujooda hangaame ke baavajood in blauks mein kaam shuroo bhi karavaana chaahe to paryaavaran sambandhi kaanoon raasta rok leinge. Aise mein saari kavaayad ke baavajood in par hone vaala inavestameint bhi khatre mein pad jaaega. Green pees ne karaai stadi : Is maamale mein paryaavaran sanstha greenapees ne haal mein in kol blauks par jiyaugrafikl infaurmeshan system ki madad se ek stadi karaai. Isse pata chala hai ki agar sarkaar apni yojana par amal karti hai to 17 mein se 11 kol blauks mein jangalon ko bhaari nuksaan hoga. Ye 17 blauks do lakh 20 hajaar hekteyar ke ilaake mein faile hue hain. Stadi se pata chalta hai ki Jharkhand ke kalyaanapur-baadalapaara aur raajamahal kol blauk ke 80 feesadi ilaake mein ghane jungle hain. Isi tarah Jharkhand ke hi pachavaara (dakshin) kol blauk ka 50 feesadi se jyaada ilaaka ghane jangalon se ghira huaa hai. Chhattisgarh ke kente eksateinshan aur hasadev-arand kol blauk ka bhi 80 feesadi se jyaada hissa madhyam aur ghane jangalon vaala hai. Chhattisgarh ke hi kerava aur koraba kol blauk ke kareeb 70 feesadi ilaake mein ghane jungle hain. Stadi bataati hai ki Orissa ke kudanali-luburi aur telchar blauk ka bhi 50 feesadi kshetr jangalon se dhaka huaa hai. Anya blauks mein bhi kamobesh yahi sthiti hai. 17 kol blauks mein 20 gaanv base : Greenapees ka kehna hai ki in 17 kol blauks mein 20 gaanv base hue hain. Iske saath hi in blauks ke kareeb 266 hekteyar hisse mein kai tarah ke jal srot hain. Inmein se paanch blauk to nadiyon ke kinaare hi hain. Greenapees ke mutaabik, agar in ilaakon mein koyala khanan ki ijaajat dene se iska asar paani ke sroton par padna tay hai. Usaka yah bhi kehna hai ki in ilaakon mein kol blauks mein kaam shuroo karne ke liye in gaanvon ki aabaadi ko hataana hoga, jo ki ek aasaan kaam naheen hoga. Agar in logon ko visthaapit naheen bhi kiya jaata hai to aamtaur par jangalon se aajeevika kamaane vaale in logon ke liye paani aur roji-roti ka sankat paida ho jaaega. Iske saath hi jyaadaatar kol blauks haathiyon, baaghon, teinduon aur anya anginat jangali jeevon aur vanaspatiyon ka bhi ghar hain. Yahaan khanan sambandhi gatividhiyon se inke vajood par bhi grahan lagne ki aashanka hai. Keindreeya paryaavaran mantraalaya ghane van kshetron mein khanan ki ijaajat dene se pehle hi inkaar kar chuka hai. Poorv paryaavaran mantri jayaraam ramesh ke daur meein is baabat koyala aur paryaavaran mantraalaya ke beech kaafi talkhi aa gayi thi. Sootron ke mutaabik , adaalati jhagade mein bhi ye kol blauks fans sakte hain.

Kol Blauks Ki Raah Mein Abhi Kai Andhere https://www.angrejinews.com/pic/7800