Kohli Karein Number Chaar Par Batting, Shaastri Ki Is Baat Se Sahamat Naheen Ganguly

Cricket »

Kohli Karein Number Chaar Par Batting, Shaastri Ki Is Baat Se Sahamat Naheen Ganguly

Nai Delhi Bhaarateeya cricket team ke poorv kaptaan saurabh Ganguly ne viraat Kohli ke number chaar par ballebaaji karne ke idea ko khaarij kar diya hai. Ganguly ki najar mein top 3 ballebaaj seemit overon ke cricket mein Bhaarat ki taakat hai aur use is par tike rahana chaahiye. Ganguly ki yeh tippani team India ke coach ravi shaastri ki us rai ke baad I hai jismein unhonne kaha tha ki world cup ke liye ballebaaji mein aur lachak laane ke liye Kohli ko number chaar par ballebaaji karni chaahiye. Ganguly ne ek niji TV channel se baatcheet mein kaha, 'Viraat Kohli series mein number teen par ballebaaji kareinge. Main akhbaar mein padh raha tha ki ravi shaastri unhein number chaar par ballebaaji karavaana chaahate hain lekin main naheen jaanta ki fir number teen par kaun ballebaaji karega. Shaayad Ambati raayudoo fir teesare number par batting kareinge aur Kohli 4 par aaenge. Mujhe naheen lagta ki yeh sahi faisala hoga choonki Kohli teesare number par ek bahut bade khilaadi hain. One-day cricket mein Bhaarat ki taakat- shikhar dhavan, rohit sharma aur viraat Kohli. ' Ganguly ne kaha, 'Agar top chaar par ye ballebaaj hain aur fir Mahendra Singh Dhoni aur kedaar jaadhav paanch aur chhah number par aaenge. Iske baad haardik pandya saatavein number par. Dinesh kaartik bhi is team mein honge aur rishabh pant ko bhi Australia ke khilaaf paanch one-day maichon ki series mein jaroor rakhana chaahiye. Ismein ham dekh paaenge ki kya vah bhaarateeya cricket team ke liye number 6 par match winner hain ya naheen. Aise mein unhein mauka jaroor dena chaahiye. '

Kohli Karein Number Chaar Par Batting, Shaastri Ki Is Baat Se Sahamat Naheen Ganguly https://www.angrejinews.com/pic/254107