Kodanaani Mudde Par VHP Ke Nishaane Par Modi

Breaking »

Kodanaani Mudde Par VHP Ke Nishaane Par Modi

Ahmedabad. . Gujarat ke mukhyamantri Narendra Modi naroda paatiya case mein poorv mantri maaya kodanaani, VHP neta babu bajarangi samet 10 doshiyon ke liye faansi ki maang ke faisale ke baad hindoovaadi sangathanon ke nishaane par aa gaye hain. Vishv hindu parishad ke neta Modi ke is faisale se bhadke hue hain. Unhonne Modi sarkaar ke is faisale ko 'Hinduon par hamla' karaar diya hai. Gujarat VHP ke mahaasachiv ranachhod bharavaad ne kaha, 'VHP Gujarat sarkaar ke us faisale ka virodh karti hai jismein naroda maamale mein maaya kodanaani, babu bajarangi aur anya hinduon ko faansi dene ke liye kaha jaaega. ' is faisale ko 'Stabdh karne vaala' aur 'Hinduon par hamla' karaar dete hue bhaaravaad ne mukhyamantri Narendra Modi ko patra likhkar is faisale ko vaapas lene ki maang ki hai. Unhonne kaha, 'Ham apne desh mein hinduon ki suraksha ko lekar chintit hain, kyonki har jagah un par hamla ho raha hai ya ve asurakshit mahasoos kar rahe hain. Gujarat mein hindu anyaaya ka shikaar ho rahe hain, kyonki ve saamaajik evam raajaneetik roop se sakriya hain. ' gaurtalab hai ki Gujarat ke kaanooni vibhaag ne vishesh jaanch dal (esaaaiti) ki naroda paatiya case ke doshiyon ki saja badhaane ki sifaarish ko manjoori day di hai. Ismein Gujarat haai court mein appeal daayar ki jaaegi. Ismein poorv mantri maaya kodanaani va babu bajarangi sahit 10 doshiyon ko faansi ki saja ki maang ki jaaegi. Iske alaava 22 anya doshiyon ki saja ko badhaakar 30 saal karne ki maang ki jaaegi. Ahmedabad ke special court ne 31 August 2012 ko in logon ko 24 saal ki saja sunaai thi. Teen vakeelon ka ek abhiyojan panel taiyaar kiya gaya hai. Yah panel appeal ka masauda taiyaar karega aur jirah karega. Yah sambaddh adaalat dvaara bari kiye gaye saat aaropiyon ko doshi saabit karaane ka bhi prayaas karega.

Kodanaani Mudde Par VHP Ke Nishaane Par Modi https://www.angrejinews.com/pic/5921