Knockout Ke Kareeb Pahunche Sunrisers

Cricket »

Knockout Ke Kareeb Pahunche Sunrisers

agencyan . Hyderabad viplab saamantree ke kairiyr ki pehli IPL half century ke baad baularon ke umda pradarshan se sunrisers Hyderabad ne Rajasthan Royals ko 23 run se haraakar knockout ki or majaboot kadam badhaae. Saamantre ne 46 baul mein chhah chaukon aur ek chhakke ki madad se 55 run ki paari kheli, jisse Hyderabad ne Faulkner (5/16) ke IPL-6 ki best performance ke baavajood nau wicket par 136 run banaae. Royals ki team iske javaab mein nau wicket par 113 run hi bana saki, jo maujooda tournament mein usaka nyoonatam score hai. Team ki or se kevan koopar ne sarvaadhik 26, jabki captain Rahul Dravid ne 25 run banaae. Sunrisers ke amit mishra ne chaar over mein aath run dekar do wicket chatakaae. Is jeet se Hyderabad ki team 15 maichon mein nau jeet se 18 pauints ke saath chauthe sthaan par pahunch gayi hai. Royals ne apna league abhiyaan khatm kiya aur team 16 maichon mein 20 pauints ke saath teesare sthaan par hai. Royals ke liye Dravid aur ajinkya rahaane (12) ne pehle wicket ke liye 39 run jode. Dravid ne Ishaant sharma ki lagaataar baul par chhakka aur chauka maara, jabki rahaane ne karan par chhakka jada. Lekin donon hi badi paari khelne mein naakaam rahe. Mishra ne sanjoo Samson (5) ko laang of par sten ke haathon catch karaake 12vein over mein Royals ka score teen wicket par 51 run kiya. Parera ne iske baad Shane Watson (11) aur stuart binni (8) ko ek hi over mein pavilion bheja. Binni ne is beech chauka jadkar 53 baul ke baanudri ke sookhe ko bhi khatm kiya tha lekin agali baul par bold ho gaye. Royals ko jeet ke liye antim chhah over mein 72 run ki darkaar thi aur team is score ke aaspaas bhi naheen pahunch paai. Isse pehle saamantre ne Royals ke baularon ke dabadabe ke beech hanuma vihaari (19) ke saath chauthe wicket ke liye 44 aur daren saimi (23) ke saath paanchavein wicket ke liye 5.5 over mein 56 run jodkar Hyderabad ko sankat se ubaara. Hyderabad ke sirf chaar baitsamain hi dohare ankon mein pahunch paae, jabki saamantre ke alaava sirf saimi baul ko baaundri tak pahuncha paae. Saimi ne ek chauka aur ek chhakka maara. Poori paari mein sirf saat chauke aur do chhakke lage. Mejabaan team ne teesare over mein paanch run ke score tak hi paarthiv Patel (2), shikhar dhavan (1) aur Cameron vaait (0) ke wicket ganva diye.

Knockout Ke Kareeb Pahunche Sunrisers https://www.angrejinews.com/pic/8919