Kitaab Ke Liye Malaala Se 16 Karod Rupaye Ki Deal

World »

Kitaab Ke Liye Malaala Se 16 Karod Rupaye Ki Deal

London. . Malaala yoosufajai ko to aap jaante hi honge. Vahi Pakistani ladki jisne ladkiyon ki shiksha ke liye vakaalat karte hue taalibaan ki dhamakiyon ki bhi paravaah naheen ki aur aakhirkaar ek hamle mein maut ke munh mein jaate-jaate bachi thi. Malaala ab apni aatmakatha likh rahi hain aur iske liye unke saath pablishrs ne 30 lakh dollar (16.28 karod rupaye) ki deal ki hai. Haalaanki rakam ki pushti pablishron ne naheen ki hai. UK ke akhbaar gaarjiyn ke mutaabik, 15 saal ki malaala ki jindagi ki kahaani isi saal mein chhapakar aaegi. Kitaab ka naam hoga 'I M malaala'. Ise Britain aur Commonwealth mein veedanafeld aur nikolasan chhaapeinge. Vaheen baaki duniya mein little, brown chhaapeinge. Is baare mein malaala ka kehna tha ki main apni kahaani kehna chaahati hoon par yah kahaani asal mein un 6.1 karod bachchon ki hogi, jo taaleem se maharoom hain. Main chaahati hoon ki yah kitaab bachchon ko shiksha ke adhikaar ke liye chalaae jaane vaale kainpen ka hissa bane. Yah unka mool adhikaar hai. Mujhe ummeed hai ki yah kitaab duniya bhar ke logon ke beech pahunchegi aur unhein yah ehsaas dilaaegi ki kuchh bachchon ke liye shiksha paana hi kitni mushkil baat hai. Gaurtalab hai ki malaala par 9 October 2012 ko uttar-pashchimi Pakistan mein ek school bas ke bheetar hamla huaa tha. Ek goli usaki baain aankh ke oopar lagi aur jabade se hoti hui dimaag mein ja ghusi. Taalibaan ne hamle ki jimmedaari lete hue kaha tha ki malaala par hamla isliye kiya gaya kyonki vah ladkiyon ki shiksha aur pashchimi soch ko badhaava day rahi thi.

Kitaab Ke Liye Malaala Se 16 Karod Rupaye Ki Deal https://www.angrejinews.com/pic/3698