Kise Haasil Hogi Oreinj Kaip

Cricket » Tuesday, April 2, 2013

Nai Delhi. . Indian Premier league Bhaarat ka ghareloo tournament hai aur ismein sarvaadhik bhaarateeya khilaadi bhaag lete hain lekin pichhle paanch saal mein sachin Tendulkar ko chhodkar koi bhi anya bhaarateeya kisi ek tournament mein sarvaadhik run banaane vaale ballebaaj ko milne waali oreinj kaip haasil naheen kar paaya hai. Tendulkar ne 2010 mein sarvaadhik 618 run banaakar oreinj kaip haasil ki thi lekin yadi is season ke alaava baaki chaar anya tournament mein videshi khilaadiyon ne hi aakhir mein oreinj kaip pahani. Australia ke shaan marsh (616) ne 2008 mein aur unheen ke hamavatan Matthew Hayden (572) ne 2009 mein sarvaadhik run banaaye the. Pichhle do varshon se West Indies ke visfotak salaami ballebaaj kris Gale sab par bhaari pade hain. Unhonne 2011 mein 608 aur 2012 mein rekaurd 733 run banaakar oreinj kaip haasil ki thi. Kya is baar bhaarateeya khilaadi oreinj kaip ko ghar mein hi rakh paaenge. Pichhle teen tournament mein Bhaarat ke ballebaajon ka pradarshan apekshaakrut achha raha hai jise dekhkar yah kaha ja sakta hai ki is baar koi bhaarateeya sheersh par bhi pahunch sakta hai. Pehle IPL mein choti ke chhah ballebaajon mein keval ek bhaarateeya Gautam gambhir (534 run banaakar doosare sthaan par) shaamil tha. Iske baad 2009 mein jab IPL dakshin Africa mein khela gaya to sheersh aath ballebaajon mein Bhaarat se keval suresh raina (434 run banaakar chauthe sthaan par) hi shaamil the. Tendulkar ne jab 2010 mein oreinj kaip haasil ki thi to us saal choti ke paanch ballebaajon mein chaar bhaarateeya shaamil the lekin 2011 mein sheersh paanch ballebaajon mein keval do bhaarateeya hi jagah bana paaye the. Inmein se viraat Kohli ne sarvaadhik 557 run banaae the. Pichhle saal (2012) ke tournament mein kuchh sthiti sudhari tatha sheersh paanch mein chaar bhaarateeya jagah banaane mein safal rahe the. Inmein gambhir (590 run), shikhar dhavan (569), ajinkya rahaane (560) aur Virendra Sehwag (495 run) shaamil the. Tendulkar, Kohli, gambhir, raina, Sehwag, dhavan, rahaane jaise khilaadi is baar bhi khel rahe hain. Inmein se dhavan ke oreinj kaip haasil karne ki sambhaavana kuchh dhundhali pad gayi hai kyonki ungali mein chot ke kaaran vah shuruaati maichon mein naheen khel paaenge. Tendulkar, gambhir aur Sehwag filhaal kuchh samay se apni sarvashreshth form mein naheen dikh rahe hain. Vaise ye teenon paari ka aagaaj karte hain aur isliye inke paas achha mauka rahega. Raina ko ti-20 ke safal ballebaajon mein shumaar kiya jaata hai. Unhonne IPL mein ab tak 81 maichon mein sarvaadhik 2254 run banaaye hain. Gambhir (2065) aur Tendulkar (2047) bhi unase jyaada peechhe naheen hain. Is soochi mein inke baad jin bhaarateeya khilaadiyon ka number aata hai unamein rohit sharma, Sehwag, Mahendra Singh Dhoni, Rahul Dravid aur Kohli ka number aata hai. Rohit IPL mein jab tab achha pradarshan karta rahe hain. Bhaarateeya kaptaan Dhoni finisher ki bhoomika mein aate hain aur isliye unke paas ballebaaji ke liye paryaapt samay naheen hota hai. Raina ko haalaanki fir se oopari kram mein khelne ka mauka mil sakta hai. Inke alaava murali vijay bhi achhi firm mein chal rahe hain. Unhonne Australia ke khilaaf lagaataar do shatak lagaakar apni form dikhaayi hai. Yuvraj Singh pichhle saal Cancer ke upachaar ke kaaran naheen khel paaye the aur vah is baar iski bharpaai karna chaaheinge. Rahaane ka test padaarpan achha naheen raha aur vah IPL mein achha pradarshan karke raashtreeya team mein apni jagah banaaye rakhane ki koshish kareinge. Kohli kaptaani ka dabaav khud par naheen padna dena chaaheinge. Vah bhi sheersh kram ke ballebaaj hain. Inke alaava Ambati raayudu, manadeep Singh, manoj tivaari jaise yuva ballebaaj bhi mauke ka poora faayda uthaane ki koshish kareinge. Lekin iske saath hi yah bhi dekhna hoga ki kris Gale, Jack Kallis, Shane Watson, aidam Gilchrist, shaun marsh, tilkaratne dilshaan, maahela jayavardhane, Kumar sangakaara, braindan McCollum, Ross Taylor aadi ka balla kaisa chalta hai. Shreelankaai khilaadiyon ko chennai mein khelne ka mauka naheen milega aur isse thoda antar pad sakta hai.